బిగ్ బీ సాంగ్ కి ఊపేసింది.. స్టార్ క్రికెటర్ వైఫ్ డ్యాన్స్ కి ఫ్యాన్స్ ఫిదా!

టీమిండియా స్టార్ స్పిన్నర్ యజేంద్ర చాహల్ ఇటీవలే వివాహం చేసుకొని ఓ ఇంటివాడైన సంగతి తెలిసిందే. ప్రముఖ యూట్యూబర్ ధన శ్రీ వర్మకు ఇటీవల చాహల్ తో వివాహం జరిగిన సంగతి తెలిసిందే. చాహల్ కి సొంతంగా యూట్యూబ్ ఛానల్ ఉంది. టీమిండియా విజయం సాధించినప్పుడల్లా ఆటగాళ్ల దగ్గరనుంచి చాహల్ ప్రత్యేకంగా ఇంటర్వ్యూలు తీసుకుంటూ ఉంటాడు.
ఈ విషయంలో హిట్ మ్యాన్ రోహిత్ శర్మ చాహల్ ని ఆటపట్టిస్తూ ఉంటాడు.

చాహల్ ఇటీవలే ధన శ్రీ వర్మతో కలసి దుబాయ్ కి హానీ మూన్ కి వెళ్లి వచ్చాడు. ఆ తర్వాత భారత మాజీ కెప్టెన్ మహేంద్ర సింగ్ ధోనీ ఇచ్చిన విందుకు హాజరయ్యాడు. కాగా ధన శ్రీ వర్మకు యూట్యూబ్ లో భారీగా ఫాలో యింగ్ వుంది. లక్షలాదిమంది ఆమెని అనుసరిస్తున్నారు.తాజాగా ధన శ్రీ వర్మ బాలీవుడ్ సూపర్ స్టార్ అమితాబ్ బచ్చన్ నటించిన బ్లఫ్ మాస్టర్ చిత్రంలోని బురో బురో పాటకు అద్భుతంగా డ్యాన్స్ చేశారు.

ఆ వీడియోని ఆమె ఇన్ స్టా గ్రామ్ ద్వారా అభిమానులతో పంచుకోగా అది ప్రస్తుతం వైరల్ గా మారింది. స్వతహాగా మంచి డ్యాన్సర్ అయిన ధన శ్రీ వర్మ బిగ్ బీ సాంగ్ కి డ్యాన్స్ అదరగొట్టింది. ఆమె వేసిన స్టెప్ లకు అభిమానులు ఫిదా అవుతున్నారు. ధన శ్రీ వర్మ వర్మ పోస్ట్ చేసిన వీడియోలు ఇప్పుడు సోషల్ మీడియాను షేక్ చేస్తున్నాయి.