వామ్మో ఈ పెయింటింగ్​ కు రూ. 400 కోట్లా? ఏమిటి ఇందులో స్పెషాలిటీ?

‘మనిషన్నాక కూసింత కళాపోషణ ఉండాలి’ ఇది ముత్యాల ముగ్గు సినిమాలోని ఓ పాపులర్​ డైలాగ్​. అలా ఈ ప్రపంచంలో చాలా మంది కళాపోషకులు ఉంటారు. వాళ్లు కేవలం ప్రకృతిని చూసి మాత్రమే ఆనందించరు. అంతకు మించిన ఆనందం కోరుకుంటారు. ఓ కళాఖండాన్ని చూసి మనసు పారేసుకుంటారు. అందుకోసం ఎంతైనా వెచ్చిస్తుంటారు. ధనవంతుల్లోని కొందరు కళాపోషకులను బాగా ఆకర్షించేది పెయింటింగ్​. ఈ పెయింటింగ్​ అంటే ఆసక్తి ఉన్న ధనవంతులు ఎన్ని కోట్లు వెచ్చించి అయినా సరే ఈ పెయింటింగ్​ ను కొనేస్తూ ఉంటారు.

ఇలాగే ఓ కళాపోషకుడు రూ. 400 కోట్లు వెచ్చించి ఓ పెయింటింగ్​ ను కొన్నాడు. అంత ఖర్చు పెట్టడానికి కారణం ఏమిటి? అసలు ఆ పెయింటింగ్​ లో ఏముందో ఇప్పుడు తెలుసుకుందాం.. ప్రపంచంలోనే అత్యంత విలువైన పెయింటింగ్​ గా ఇది ఘనత సాధించింది. ప్రముఖ బ్రిటీష్‌ పెయింటరైన‌ సచా జాఫ్రీ దీనిని రూపొందించాడు. ప్రపంచంలోనే అతిపెద్ద కాన్యాస్‌ పెయింటింగ్‌ గా ఇది పేరొందింది. దీన్ని 17, 176 చదరపు అడుగుల మేర వేశాడట. చాలా పెద్దగా విస్తరించి ఉంది ఈ పెయింటింగ్.

దాదాపు 6 టెన్నిస్​ కోర్టులంత విస్తీర్ణంలో ఈ పెయింటింగ్​ విస్తరించి ఉందట.మొత్తం 70 భాగాలు విభజించి దుబాయ్‌ లో వేలం వేయగా రూ. 62 మిలియన్‌ డాలర్లకు అంటే మన కరెన్సీలో రూ.450 కోట్లకు అమ్ముడు పోయింది. మనుషుల జీవన మనుగడను ఈ పెయింటింగ్​ లో రూపొందించాడట చిత్రకారుడు జాఫ్రీ. దీన్ని జర్నీ ఆఫ్​ హ్యుమానిటీగా పిలుస్తారు.ఈ పెయింటింగ్ ను గీసేందుకు 1065 పెయింటింగ్‌ బ్రష్‌లు, 6,300 లీటర్ల పెయింటింగ్‌ పట్టిందట. ప్రస్తుతం ఇది ప్రపంచంలోనే అతిపెద్ద పెయింటింగ్​గా రికార్డులకు ఎక్కింది.