ట్రంప్ ను తిట్టడంలో పోటీలు పడుతున్నారా?

అమెరికా అధ్యక్ష ఎన్నికల సమయంలో వినిపిస్తున్న తిట్లపురాణాలు మామూలుగా లేవు. ప్రస్తుతం హాట్ టాపిక్ గా మారిన ట్రంప్ ని అటు అమెరికాలోనూ, అమెరికా వెలుపలా ఎవరికి తోచిన స్థాయిలో వారు ఏకిపారేస్తుంటే... తాజాగా ప్రముఖ హాలీవుడ్ నటుడు రాబర్ట్ డే నీరో, న్యూజెర్సీ మాజీ గవర్నర్ క్రిస్టీన్ టాడ్ వట్ మేన్ ట్రంప్ పై టిట్ల దండకం అందుకోవడంలో పోటీపడుతున్నారు. వీరి మాటలు వింటుంటే మాత్రం ట్రంప్ పై ఈస్థాయి వ్యతిరేకత ఉందా అనే అనుమానాలు కలగక మానవు.

ట్రంప్ ఓ పంది, ఓ కుక్క, పనికిమాలిన ఎద్దు, అతడు జాతీయ విపత్తు, అతడొక ఫూల్... ఏమిటి ఈ తిట్లు అంటారా? ఇంతేనా... ఇంకా రెచ్చిపోయి తిట్లదండకం అందుకున్నారు రాబర్ట్ డే నీరో. వామ్మో అధ్యక్ష బరిలో ఉన్న మనిషిపై మరీ ఈ స్థాయిలో తిడతారా అనే అనుమానం కలిగేలా తన తిట్ల పురాణాన్ని ఒక వీడియో రూపంలో విడుదల చేశారు ఈ హాలీవుడ్ హీరో. ఇదే ఫ్లో కంటిన్యూ చేస్తూ... ట్రంప్ అనే విషయమే తనకు తీవ్ర ఆగ్రహాన్ని తెప్పిస్తోందని, అసలు ఇతడు ఎక్కడి నుంచి వచ్చాడో అంటూ ఆగ్రహం వ్యక్తం చేశాడు. ఏమాత్రం అవకాశం వచ్చినా ట్రంప్ ముక్కుమీద గట్టిగా ఒక పంచ్ ఇవ్వాలని అనుకుంటున్నానని ట్రంప్ పై అగ్గిమీద గుగ్గిలం అయ్యాడు రాబర్ట్ డే.

ఇదే సమయంలో రిపబ్లికన్ పార్టీ నేత - న్యూజెర్సీ మాజీ గవర్నర్ క్రిస్టీన్ టాడ్ వైట్ మేన్ తన ఓటును హిల్లరీ క్లింటన్ కే వేస్తానని చెప్పడంతోపాటు... ట్రంప్ ఓ హిట్లర్ లాంటివాడని - అతడి గురించి ఆలోచిస్తే ఓ నియంతే గుర్తుకొస్తారని, ఎలాంటి నియంతలతోనైనా ఆయనను పోల్చేందుకు వెనుకాడబోమని విమర్శించారు. ఈ రేంజ్ లో దొరికిన వారు దొరికినట్లుగా ట్రంప్ ని ఏకిపారేస్తున్నారు.



Like Us on Facebook : https://www.facebook.com/Tupakidotcom/