Begin typing your search above and press return to search.
యార్ల‌గ‌డ్డ‌పై మండిప‌డ్డ `గాలి`!
By: Tupaki Desk | 18 Dec 2017 12:50 PM GMT
ప్రముఖ సాహితీవేత్త - సెంట్రల్ హిందీ కమిటీ నాన్ అఫిషియల్ మెంబర్ ఆచార్య యార్లగడ్డ లక్ష్మీప్రసాద్....ఓ టీవీషోలో పాల్గొన్న సంద‌ర్భంగా ఎన్టీఆర్ తో తనకున్న అనుబంధం గురించి వెల్ల‌డించిన సంగ‌తి తెలిసిందే. ‘బ్రహ్మర్షి విశ్వామిత్ర’ స‌మ‌యంలో ఎన్టీఆర్ క‌బురుపెట్టినా తాను క‌ల‌వ‌లేద‌ని - సీఎంగా దిగిపోయిన మ‌రుస‌టి రోజు ఢిల్లీలో కలిశాన‌ని చెప్పారు. తాను రాక‌పోవ‌డంపై ఎన్టీఆర్ ప్ర‌శ్నించార‌ని, దానికి తాను వివ‌ర‌ణ ఇచ్చాన‌ని అన్నారు. నందమూరి తారకరామారావు గారు త‌న అభిమాన నటుడ‌ని - అధికారంలో ఉన్న రామారావు నీళ్లల్లో ఉన్న మొసలి లాంటి వాడని - అడవిలో ఉన్న సింహం లాంటివాడని ఎన్టీఆర్ తో అన్నాన‌ని యార్లగడ్డ చెప్పారు. అప్పుడు త‌మ‌కు ఏది చెప్పినా ఇబ్బంది అవుతుంద‌ని త‌న‌కేమో నోటి దురద ఎక్కువని - అందుకనే ఇప్పుడు వచ్చానని చెప్ప‌గానే ఎన్టీఆర్ పకపకా నవ్వారని యార్లగడ్డ ఆ కార్య‌క్ర‌మంలో చెప్పారు.
అయితే, ఎన్టీఆర్ ను మొసలితో పోల్చిన యార్ల‌గ‌డ్డ‌పై టీడీపీ ఎమ్మెల్సీ గాలి ముద్దుకృష్ణమ నాయుడు మండిప‌డ్డారు. ఎన్టీఆర్‌తో పోల్చుకునే అర్హత యార్లగడ్డ కు లేద‌ని అన్నారు. సాహితీవేత్తగా - కవిగా యార్ల‌గ‌డ్డ‌కు గుర్తింపు ఉందని - అయితే, ఎన్టీఆర్ ని వివాదాల్లోకి లాగొద్దని చెప్పారు. అటువంటి గొప్ప న‌టుడు - నాయ‌కుడు ఎన్టీఆర్ ని మొసలితో పోల్చడం బాధాకర‌మ‌న్నారు. తెలుగువాళ్ల ఆత్మగౌరవాన్ని ప్ర‌పంచానికి చాటి చెప్పి - తెలుగుజాతి కోసం అహ‌ర్నిశ‌లు పాటుప‌డ్డ ఎన్టీఆర్ టీడీపీని స్థాపించారని చెప్పారు. హేమాహేమీలైన ఇందిర - రాజీవ్ గాంధీ వంటి నేత‌ల గుండెల్లో ఎన్టీఆర్ నిద్రపోయారుని వ్యాఖ్యానించారు. అయితే, ఎన్టీఆర్ తో తనకున్న అనుబంధం గురించి చెబుతున్న సంద‌ర్భంలో వారిద్ద‌రి మ‌ధ్య జ‌రిగిన సంభాష‌ణ‌ను మాత్రమే యార్లగడ్డ ఆ ఇంట‌ర్వ్యూలో వెల్ల‌డించారు. అయితే, యార్ల‌గ‌డ్డ‌పై `గాలి` మండిప‌డ‌డానికి వేరే కార‌ణాలున్న‌ది బ‌హిరంగ ర‌హ‌స్య‌మే. వైశ్రాయ్ హోటల్ ఎపిసోడ్,. హరికృష్ణ‌కు ఎంపీ సీటు ఇవ్వ‌క‌పోవ‌డంపై త‌న‌కూ చంద్ర‌బాబుకు మ‌ధ్య గ్యాప్ రావ‌డం - చంద్ర‌బాబు `తెలివితేట‌లు` - ఆయ‌న `రాజ‌కీయ` అనుభ‌వం.....వంటి అనేక విష‌యాల‌ను ఇదే ఇంట‌ర్వ్యూలో యార్లగడ్డ ప్ర‌స్తావించారు. ఎంతైనా ఉన్న మాటంటే ఉలుకెక్కువ క‌దా! అటువంటిది `అన్న` గారు అన్న మాట‌లు, `అన్న`గారి గురించి, ఆయ‌న త‌న‌యుడు గురించి `అల్లుడు` అన్న మాట‌లు య‌థాత‌ధంగా - నిర్మొహ‌మాటంగా చెప్పిన యార్ల‌గ‌డ్డ‌పై టీడీపీ నేత‌లు....ఆ మాత్రం అస‌హ‌నం వ్య‌క్తం చేయ‌డం, అక్క‌సు వెళ్ల‌గ‌క్క‌డం మామూలే క‌దా!
అయితే, ఎన్టీఆర్ ను మొసలితో పోల్చిన యార్ల‌గ‌డ్డ‌పై టీడీపీ ఎమ్మెల్సీ గాలి ముద్దుకృష్ణమ నాయుడు మండిప‌డ్డారు. ఎన్టీఆర్‌తో పోల్చుకునే అర్హత యార్లగడ్డ కు లేద‌ని అన్నారు. సాహితీవేత్తగా - కవిగా యార్ల‌గ‌డ్డ‌కు గుర్తింపు ఉందని - అయితే, ఎన్టీఆర్ ని వివాదాల్లోకి లాగొద్దని చెప్పారు. అటువంటి గొప్ప న‌టుడు - నాయ‌కుడు ఎన్టీఆర్ ని మొసలితో పోల్చడం బాధాకర‌మ‌న్నారు. తెలుగువాళ్ల ఆత్మగౌరవాన్ని ప్ర‌పంచానికి చాటి చెప్పి - తెలుగుజాతి కోసం అహ‌ర్నిశ‌లు పాటుప‌డ్డ ఎన్టీఆర్ టీడీపీని స్థాపించారని చెప్పారు. హేమాహేమీలైన ఇందిర - రాజీవ్ గాంధీ వంటి నేత‌ల గుండెల్లో ఎన్టీఆర్ నిద్రపోయారుని వ్యాఖ్యానించారు. అయితే, ఎన్టీఆర్ తో తనకున్న అనుబంధం గురించి చెబుతున్న సంద‌ర్భంలో వారిద్ద‌రి మ‌ధ్య జ‌రిగిన సంభాష‌ణ‌ను మాత్రమే యార్లగడ్డ ఆ ఇంట‌ర్వ్యూలో వెల్ల‌డించారు. అయితే, యార్ల‌గ‌డ్డ‌పై `గాలి` మండిప‌డ‌డానికి వేరే కార‌ణాలున్న‌ది బ‌హిరంగ ర‌హ‌స్య‌మే. వైశ్రాయ్ హోటల్ ఎపిసోడ్,. హరికృష్ణ‌కు ఎంపీ సీటు ఇవ్వ‌క‌పోవ‌డంపై త‌న‌కూ చంద్ర‌బాబుకు మ‌ధ్య గ్యాప్ రావ‌డం - చంద్ర‌బాబు `తెలివితేట‌లు` - ఆయ‌న `రాజ‌కీయ` అనుభ‌వం.....వంటి అనేక విష‌యాల‌ను ఇదే ఇంట‌ర్వ్యూలో యార్లగడ్డ ప్ర‌స్తావించారు. ఎంతైనా ఉన్న మాటంటే ఉలుకెక్కువ క‌దా! అటువంటిది `అన్న` గారు అన్న మాట‌లు, `అన్న`గారి గురించి, ఆయ‌న త‌న‌యుడు గురించి `అల్లుడు` అన్న మాట‌లు య‌థాత‌ధంగా - నిర్మొహ‌మాటంగా చెప్పిన యార్ల‌గ‌డ్డ‌పై టీడీపీ నేత‌లు....ఆ మాత్రం అస‌హ‌నం వ్య‌క్తం చేయ‌డం, అక్క‌సు వెళ్ల‌గ‌క్క‌డం మామూలే క‌దా!
