రాములమ్మ ఇంటిని దోచేశారంట

తెలంగాణ ఫైర్ బ్రాండ్ గా.. రాములమ్మగా సుప్రసిద్ధురాలు.. తెలంగాణ కాంగ్రెస్ నేత విజయశాంతి ఇంట్లో చోరీ జరిగింది. హైదరాబాద్ లోని బంజారాహిల్స్ లోని ఆమె నివాసంలో దొంగతనం జరిగినట్లుగా చెబుతున్నారు. తన ఇంట్లో బంగారు నగల్ని దొంగతనం చేసినట్లుగా ఆమె ఆరోపిస్తున్నారు. దీనికి సంబంధించిన ఫిర్యాదును బంజారాహిల్స్ పోలీస్ స్టేషన్లో ఇచ్చారు.

సినీ.. రాజకీయ రంగాల ప్రముఖురాలైన విజయశాంతి ఇంట్లో దొంగతనం జరిగిందంటూ వస్తున్న వార్తలు ఇప్పుడు చర్చనీయాంశంగా మారాయి. దొంగతనం ఎలా జరిగింది? దొంతనానికి పాలైన బంగారువస్తువుల విలువ ఎంత ఉంటుంది? దొంగతనం ఎప్పుడు జరిగిందన్న విషయంపై స్పష్టత రాలేదు. తన ఇంట్లో దొంగతనం జరిగిందని.. బంగారు నగలు చోరీకి గురి అయ్యాయంటూ ఆమె పోలీసులకు ఫిర్యాదు చేశారు. విజయశాంతి ఇచ్చిన ఫిర్యాదును పోలీసులు కేసు నమోదు చేసి విచారణ మొదలు పెట్టారు. ఈ ఘటనకు సంబంధించిన పూర్తి సమాచారం మరింత అందాల్సి ఉంది.