మ‌ద్య‌పాన ప్రియులకు శుభవార్త‌.. మార్కెట్‌లోకి హ్యాంగోవ‌ర్ పిల్‌!

మ‌ద్య‌పాన ప్రియుల‌కు ఇది నిజంగా శుభవార్తే. త‌ర‌చూ హ్యాంగోవ‌ర్‌తో బాధ‌ప‌డేవారి కోసం హ్యాంగోవ‌ర్ పిల్స్ మార్కెట్‌లోకి వ‌చ్చాయి. అయితే ఇవి ప్ర‌స్తుతానికి మ‌న దేశ మార్కెట్‌లో అందుబాటులో లేవు. ప్ర‌స్తుతానికి బ్రిట‌న్‌లో ఈ హ్యాంగోవ‌ర్ పిల్స్ అందుబాటులోకి వ‌చ్చాయి.

స్వీడ‌న్‌కు చెందిన ఒక ఫార్మాస్యూటిక‌ల్ కంపెనీ ఒక‌టి వీటిని త‌యారు చేసింది. ఈ హ్యాంగోవ‌ర్ మాత్ర‌ల పేరు.. మిర్కిల్. త్వ‌ర‌లోనే మ‌న ఇండియ‌న్ మార్కెట్‌లోకి కూడా రావ‌చ్చ‌ని చెబుతున్నారు. ఈ హ్యాంగోవ‌ర్ పిల్ ఒక్క‌టి వేసుకుంటే చాలు.. హ్యాంగోవ‌ర్‌తోపాటు మ‌ద్యం వ‌ల్ల మ‌న శ‌రీరంలో చేరే అధిక కేల‌రీల‌ను సైతం త‌గ్గించుకోవ‌చ్చ‌ని పేర్కొంటున్నారు.

మిర్కిల్ సప్లిమెంట్ 30 క్యాప్సూల్స్ ప్యాకెట్‌కి 30 యూరోల‌ ఖర్చవుతుంది. ఇది ఒక మాత్ర వేసుకుంటే తీసుకున్న మ‌ద్యం కాలేయానికి చేరేలోపు ఆల్కహాల్‌ను జీర్ణాశయంలోనే వేగంగా విచ్ఛిన్నం చేస్తుంది.

మ‌ద్యం తాగ‌డానికి అర గంట ముందు మిర్కిల్ మాత్ర వేసుకోవాలి. ఇంకా ఎక్కువ ప్ర‌భావం కావాలంటే రెండు మాత్ర‌లు వ‌ర‌కు వేసుకోవ‌చ్చ‌ని చెబుతున్నారు. అంత‌కుమించి వేసుకోకూడ‌దు. మాత్రలు 12 గంటల వరకు శరీరంలో ఆల్కహాల్ ను విచ్ఛిన్నం చేస్తూనే ఉంటాయ‌ని అంటున్నారు.

స్వీడిష్ ఫార్మాస్యూటికల్ సంస్థ డి ఫెయిర్ మెడికల్, ప్ఫట్జ్నర్ సైన్స్ & హెల్త్ ఇన్‌స్టిట్యూట్‌తో కలిసి తయారీదారులు నిర్వహించిన పరిశోధనలో మాత్రలు తీసుకోవడం వల్ల డ్రింక్ తీసుకున్న 30 నిమిషాల్లో రక్తంలో ఆల్కహాల్ సాంద్రత సగానికి తగ్గిందని తేలింది. ఇది గంట తర్వాత 70 శాతానికి పెరిగిందని కనుగొన్నారు. ఫార్మసీ షాపుల‌తోపాటు మిర్కిల్‌ వెబ్‌సైట్‌లో ఆన్‌లైన్‌లో కొనుగోలు చేయవచ్చు.

ఈ మాత్ర‌ "గేమ్ ఛేంజింగ్ ప్రొడక్ట్" అని మిర్కిల్ సీఈవో చెబుతున్నారు. అయితే ఇది "మితమైన మద్యపానం చేసేవారికి మాత్ర‌మే సహాయపడుతుందన్నారు.

మితమైన సామాజిక మద్యపానం అనేది బ్రిటీష్ సంస్కృతిలో ఒక భాగం. బ్రిటీష్ ప్రజలలో ఎక్కువ మంది ప్రతి వారం కలిసి కొన్ని పానీయాలను ఆస్వాదిస్తారు.

డాక్టర్ డాన్ హార్పర్ మాట్లాడుతూ.. మాత్రను తీసుకునే వారు మద్యం సేవించినప్పుడు మీరు అనుభవించే ఆనందాన్ని పొందుతార‌ని చెబుతున్నారు. హ్యాంగోవర్‌లు ప్రధానంగా ఇథనాల్‌ వల్ల సంభవిస్తాయ‌ని.. ఇది కాలేయంలో విచ్ఛిన్నమవుతుంద‌ని చెప్పారు.

ఇథనాల్ శరీరంలో ఒక మూత్రవిసర్జనగా పనిచేస్తుంద‌ని.. అలాగే నిర్జలీకరణానికి కారణమవుతుంద‌న్నారు. అలాగే ఇది మైకము, తలనొప్పి, దాహానికి దారితీస్తుంద‌ని వివ‌రించారు.

కాగా మిర్కిల్ మాత్ర‌లో ప్రత్యేకమైన బాక్టీరియా, అమైనో ఆమ్లాలు ఉన్నాయి, ఇవి ఆల్కహాల్‌ను నీరు, కార్బన్ డయాక్సైడ్‌గా విచ్ఛిన్నం చేస్తాయి. అంటే తక్కువ మొత్తంలో ఇథనాల్ కాలేయంలో విచ్ఛిన్నమవుతుంది. అలాగే మిర్కిల్ మాత్ర‌ల్లో విటమిన్ B12 కూడా ఉంటుంది. ఇది శక్తి స్థాయిలను పెంచడంలో సహాయపడుతుంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.