కొన్ని నిముషాల్లో ఐపీఎల్ .. గూగుల్ సంచలనం నిర్ణయం !

ఐపీఎల్ .. ఇండియన్ ప్రీమియర్ లీగ్ .. 2020 మరికొన్ని నిముషాల్లోనే ప్రారంభం కాబోతుంది. ఈ సీజన్ మార్చిలోనే జరగాల్సి ఉండగా , కరోనా కారణంగా వాయిదా పడింది. దీనితో అనేక వాయిదాల మధ్య సెప్టెంబర్ 19 నుండి యూఏఈ వేదికగా ఐపీఎల్ కి రంగం సిద్ధం చేసాడు బీసీసీఐ అధినేత , టీం ఇండియా మాజీ కెప్టెన్ గంగూలీ. ఇక ఇప్పటికే అన్ని పనులు పూర్తిచేసుకొని మరికొద్ది నిముషాల్లో ప్రారంభం కాబోతుంది. తొలిమ్యాచ్ ముంబై .. చెన్నై మధ్య జరగబోతుంది. ఈ సమయంలోనే గూగుల్ మరో కీలక నిర్ణయం తీసుకుంది.

ఐపీఎల్ ప్రారంభం అవుతుంది అంటే బెట్టింగ్ రాయుళ్ళకి పండుగే పండుగ. దీనితో నేటి నుంచి యూఏఈ వేదికగా ప్రారంభం కానున్న నేపథ్యంలో..బెట్టింగ్ ను కట్టడి చేయడం పై దృష్టి పెట్టినట్లు ప్రముఖ సెర్చ్ ఇంజన్ గూగుల్ తెలిపింది. బెట్టింగ్ లు తమ విధానాలకు వ్యతిరేకమని, అలాంటి అప్లికేషన్లను ప్లే స్టోర్ నుంచి తొలగిస్తామని తెలిపింది. నిబంధనలు ఉల్లంఘిస్తూ బెట్టింగ్ లకు పాల్పడితే యాప్లను అనుమతించబోమని గూగుల్.. పదే పదే అలాంటి చర్యలకు పాల్పడితే శాశ్వతంగా నిషేధం విధిస్తామని తెలిపింది.