పెళ్లి వేళ వధువు ఇచ్చిన ముద్దుకు జీవితాంతం గుర్తుండేలా వరుడి రియాక్షన్

కొన్ని వేల మాటల్లో చదివేది.. చెప్పేది.. ఒక చిన్న ఫోటో చెప్పేస్తుంది. పది సెకన్లు మాత్రమే ఉండే ఈ వీడియో ప్రత్యేకత ఏమంటే.. ఒక మాంచి రొమాంటిక్ సీన్ లేదంటే.. ఒక లవ్ సీన్ కు సరిపోయే మసాలా దీని సొంతం. వైరల్ గా మారిన ఈ వీడియో చూస్తే.. వధువుకు జీవితాంతం గుర్తుండిపోయే తీపి గురుతును ఈ ఎక్స్ ప్రెషన్ ను ఇచ్చాడీ వరుడి. సోషల్ మీడియాలో వైరల్ అవుతున్న ఈ చిట్టి వీడియోను సరైన దర్శకుడు చూడాలే కానీ.. తప్పనిసరిగా తన సినిమాలో వాడేయటం ఖాయం. ఆసక్తికరమైన విషయం ఏమంటే.. ఈ వీడియోలో వరుడి టైమింగ్.. దానికి అతని స్నేహితులు స్పందించిన వైనం చూస్తే.. పర్ ఫెక్టుగా ఉంటుంది.

అంతేకాదు.. వరుడి వెనుక ఉన్న మహిళ ఎక్స్ ప్రెషన్ సైతం సూపర్ అనిపించేలా ఉన్న ఈ వీడియోను మళ్లీ మళ్లీ చూడాలనిపించేలా ఉండటం.. దానికి ఎనర్జిటిక్ మ్యూజిక్ ను యాడ్ చేయటం అదనపు ఆకర్షణగా చెప్పాలి. ఇంతకీ ఈ వీడియోలో ఏముందంటారా? ఎక్కడన్న విషయాన్ని క్లియర్ గా చెప్పలేదు కానీ.. క్రిస్టియన్ సంప్రదాయంలో పెళ్లి జరుగుతున్న వేళ.. పెళ్లి పెద్దగా వ్యవహరిస్తున్న ఫాదర్ బైబిల్ చదివేందుకు సమాయుత్తం అవుతున్న వేళ.. వరుడు.. వధువు సింఫుల్ గా ముద్దు పెట్టుకునేందుకు ముందుకు రావటం.

వధువు పెదవులు తగిలినంతనే వరుడు ఒక్కసారిగా వెనక్కి వాలిపోవటం.. అంతలోనే అతని స్నేహితులు అతడ్ని కిందకు పడిపోకుండా సాయం చేసి.. పైకి లేపటం.. ఆ వెంటనే మరో చిన్నపాటి ముద్దు ఇచ్చుకోవటం.. తన ముద్దుకు తనకు కాబోయే వాడిచ్చిన ఎక్స్ ప్రెషన్ కు పెళ్లి కుమార్తె ఆనందంతో ఉక్కిరిబిక్కిరి అయితే.. ఇంతటి రొమాంటిక్ థాట్ చూపించిన వరుడ్ని ప్రశంసాపూర్వకంగా అక్కడున్న ఉన్న వారు హ్యాపీగా ఫీల్ కావటం చూస్తే.. ఈ వీడియోను మన టాలీవుడ్ దర్శకులు కానీ బాలీవుడ్ దర్శకులు కానీ చూస్తే.. ఈ సీన్ ను యథాతధంగా వాడేయటం ఖాయమని చెప్పాలి. ఇంకెందుకు ఆలస్యం.. ఈ వీడియోను చూసి మీరు కూడా ఎంజాయ్ చేసేయండి.