హాజీపూర్ కిల్లర్ హత్యాచారాల కారణమిదే..

ముక్కుపచ్చలారని బాలికలపై అత్యాచారం చేసి హత్య చేసిన హాజీపూర్ కిల్లర్ ను విచారించిన పోలీసులు కూడా కారణం తెలుసుకోలేకపోయారంటే అతడు ఎంత కరుడుగట్టిన కిల్లరో అర్థం చేసుకోవచ్చు. ఇటీవలే ముగ్గురు బాలికలను చంపి తన బావిలో పాతిపెట్టిన శ్రీనివాసరెడ్డి ను ఎందుకు చంపాడనే కోణంలో పోలీసులు ప్రశ్నలు సందించారు.. అయితే ఇందులో ఆశ్చర్యకరమైన సమాధానాలను కిల్లర్ చెప్పినట్టు సమాచారం.

ముగ్గురు బాలికలను అత్యాచారం చేసి ఎందుకు చంపావని పోలీసులు ప్రశ్నిస్తే.. దానికి శ్రీనివాస్ రెడ్డి ఇచ్చిన సమాధానం ఏంటో తెలుసా? ‘ఏమో.. ఆ సమయంలో అలా అనిపించింది.. చంపేసా’ అని తెలిపినట్లు పోలీసు వర్గాల్లో చర్చ నడుస్తోంది.

అయితే శ్రీనివాస్ రెడ్డిని విచారించిన పోలీసులు సరికొత్త విషయాన్ని బయటపెట్టారు. అతడిలో సైకో లక్షణాలు ఏమాత్రం లేవని నిర్ధారించారు. శ్రీనివాస్ రెడ్డి విచారణలో బుద్దిగా ఉన్నాడట.. విచారణలో సహకరించాడట.. అడిగిన ప్రశ్నలన్నింటికి సమాధానాలు చెప్పాడట.. తాజాగా రిమాండ్ ముగియడంతో నల్లగొండ కోర్టులో హాజరుపరిచిన పోలీసులు తర్వాత వరంగల్ కేంద్ర కారాగారానికి తరలించారు.

అయితే మీడియాలో రాస్తున్నట్టు కిల్లర్ శ్రీనివాస్ రెడ్డి డ్రగ్స్ కు బానిస కాదని పోలీసులు తేల్చారు. కేవలం బీర్లు మాత్రం తాగేవాడని పోలీసు వర్గాలు నిర్ధారించాయి.