కిల్లర్ శ్రీనివాస్ రెడ్డి ప్రియురాలు ఎక్కడ?

హాజీపూర్ లో ముగ్గురు మైనర్ బాలికలను దారుణంగా అత్యాచారం చేసి హత్య చేసిన కేసులో సీరియల్ కిల్లర్ మర్రి శ్రీనివాస్ రెడ్డి ప్రస్తుతం జైలులో ఉన్నాడు. అయితే విచారణలో శ్రీనివాస్ రెడ్డి ప్రేమించిన యువతి గురించి వివరించాడు. ప్రముఖ పుణ్యక్షేత్రమైన వేములవాడలో ఉండే సదురు యువతితో తాను ప్రేమలో ఉన్నానని.. పెళ్లికి కూడా ఆమె అంగీకరించిదని ఒప్పుకున్నాడని సమాచారం.

ప్రేమికురాలితో సన్నిహితంగా ఉన్న ఫొటోలను శ్రీనివాస్ రెడ్డి తన ఫేస్ బుక్ ఖాతాలోనూ షేర్ చేశాడు. ఆ ఫొటోలను తీసుకున్న ప్రత్యేక దర్యాప్తు పోలీసులు బృందాలు వేములవాడకు వచ్చి ఆరాతీసినట్లు సమాచారం.ఆమె ఎక్కడ వారు.. ఇప్పుడు ఉందా లేదా? శ్రీనివాస్ రెడ్డి గురించి వివరాల సేకరణకు వచ్చినట్టు సమాచారం. వేములవాడకు వచ్చే శ్రీనివాస్ రెడ్డి తరచూ కలిసే ఆ యువతి ఎవరనే కోణం కూడా పోలీసులు ఆరాతీస్తున్నారు.

అయితే వేములవాడలో 15 రోజుల క్రితం సమీప అగ్రహారం గుట్టల్లో ఓ యువతి మృతదేహం కనిపించింది. కుళ్లుపోయిన స్థితిలో ఉన్న మృతదేహం ఆచూకీ ఇంతవరకూ లభించలేదు. అయితే శ్రీనివాస్ రెడ్డిని ప్రేమించింది ఈమేనా కాదా అని పోలీసులు నిర్ధారించలేకపోతున్నారు. ఆధారాలేవీ లేకపోవడం.. శ్రీనివాస్ రెడ్డి ప్రేమించిన ప్రియురాలు జాడ కూడా వేములవాడలో కనిపించకపోవడంతో ఈ సీరియల్ కిల్లర్ చేతిలో ప్రియురాలు కూడా హతమైందా అన్న కోణంలో పోలీసులు విచారణ జరుపుతున్నారు.