హ‌నుమంతుడు ఎస్సీ కాదు ముస్లిం..కాదు జాట్‌

ఉత్తర‌ప్రదేశ్ బీజేపీ నేతలు హనుమంతుడిపై రోజురోరకమైన వాదనలు చేస్తున్నారు. కొద్దికాలం క్రితం యూపీ సీఎం యోగీ ఆదిత్యనాథ్ హనుమంతుడు ఎస్సీ అని ప్ర‌క‌టించారు. అప్పట్లోనే ఈ అంశంపై పెద్ద చర్చ జరిగింది. గురువారం బీజేపీ ఎమ్మెల్సీ బుక్కాల్ నవాబ్ మాట్లాడుతూ హనుమంతుడు ముస్లిం అంటూ వివాదాస్పద కామెంట్ చేశారు. హన్మాన్ అనేది ముస్లింలకు పెట్టే పేర్లకు దగ్గరగా ఉందని...అందుకే హనుమంతుడు ముస్లిం అనేది ఆయన వాదన. దీనికి కొన‌సాగింపుగా తాజాగా ఉత్తర‌ప్రదేశ్‌లోని ఓ మంత్రి హనుమంతుడికి కులం ఆపాదిస్తూ…మరో కామెంట్ చేశారు.

హనుమంతుడు జాట్ వర్గానికి చెందిన వాడని యూపీ మంత్రి చౌదరి లక్ష్మినారాయణ అన్నారు. సాటివాడు కష్టాల్లో ఉంటే జాట్లు ముందూవెనకా ఆలోచించకుండా తనవాడా పరాయివాడా అనేది కూడా ఆలోచించకుండా సహాయం చేయడానికి వెళ్తారని.. ఈ లక్షణాలున్న ఆంజనేయుడు కూడా జాట్ వర్గానికి చెందినవాడే అనేది ఆ మంత్రి చెప్పిన వివరణ. హనుమంతుడు ముస్లిం అంటూ కాంట్రవర్సీ క్రియేట్ చేసిన ఉత్తరప్రదేశ్ బీజేపీ ఎమ్మెల్సీ బుక్కాల్ నవాబ్ వాద‌న ప్ర‌కారం రహమాన్ - రంజాన్ - ఫర్మాన్ - జిషాన్ - కుర్బాన్ - రైమ్ - ఇమ్రాన్ - ఫుర్ఖాన్ - సుల్తాన్ - సులేమాన్ వంటి ముస్లిం పేర్లతో హనుమాన్‌ కు ప్రాస కుదురుతుందని అందుకే హనుమాన్ ముస్లిం అనేది తన అభిప్రాయమని చెప్పారు. ఐతే దేవుళ్లకు కులాలు - మతాలు ఆపాదిస్తూ.. స్టేట్ మెంట్లు ఇస్తున్న వారిపై నెటిజన్లు మండిపడుతున్నారు.