కేసీఆర్ మనవడి క్యాంప్ ఆఫీస్ రైడ్

తాత ముఖ్యమంత్రి అయితే మనవడకి అడ్డేముంటుంది.. రాష్ట్రమంతా ఆట స్థలమే. అది సీఎం క్యాంప్ ఆఫీసయినా, ఇంకెక్కడయినా హల్ చల్ చేయాల్సిందే. తెలంగాణ సీఎం కేసీఆర్ మనవడు - మంత్రి కేటీఆర్ కు కుమారుడు అయిన హిమాంశ్ ఇప్పుడు అదే పనిచేస్తున్నాడు. మంచి హుషారైన కుర్రాడైన హిమాంశ్ ఎక్కడకు వచ్చినా సందడి చేస్తాడు. హైదరాబాద్ లో బేగంపేటలోని సీఎం క్యాంప్‌ ఆఫీస్‌ లో మంగళవారం హిమాంశ్ బ్యాటరీ వాహనం నడుపుతూ సరదాగా రెండు రౌండ్లు కొట్టి అందరినీ ఆకట్టుకున్నాడు.

ఉబర్‌ బైక్‌ సేవలను సీఎం కేసీఆర్‌ ప్రారంభించారు. ఆ సందర్భంగా కేసీఆర్ తో పాటు మనవడు హిమాంశ్ కూడా వచ్చారు. క్యాంప్‌ ఆఫీస్‌ ఆవరణలో బ్యాటరీ వాహనాన్ని నడిపారు. సీఎం సమక్షంలో మనవడు బ్యాటరీ వాహనం నడపడం అందరినీ ఆకట్టుకుంది.

సరదాగా హుషారుగా ఉండే హిమాంశ్ ను చూసి పార్టీ నేతలంతా తరచూ ముచ్చటపడుతుంటారు. కేసీఆర్ లో ఉన్న చురుకుదనం, డ్యాషింగ్ నేచర్ హిమాంశ్ లో ఉందని చెబుతుంటారు.


Like Us on Facebook : https://www.facebook.com/Tupakidotcom/