ఆ వీడియో డిలీట్ చేయాల్సిందే.. సన్నీలియోన్ కి హోంమంత్రి వార్నింగ్

ఒకప్పుడు పోర్న్ స్టార్ గా వెలుగు వెలిగి బాలీవుడ్ లో శృంగార హీరోయిన్ గా ఎంట్రీ ఇచ్చి పాపులర్ అయిన సన్నీ లియోన్ మరో వివాదంలో చిక్కుకున్నారు. ఇటీవల సన్నీ నటించిన ‘మధుబన్ మే రాధికా నాచే’ ఆల్బమ్ వివాదాస్పదమైంది.

ఈ పాటలో రాధాకృష్ణల ప్రేమకథను తప్పుగా చూపించారని.. లిరిక్స్ అన్ని హిందువుల మనోభావాలను దెబ్బతీసేలా ఉన్నాయని పలు హిందూ వర్గాలు దుమ్మెత్తిపోశాయి.

తాజాగా ఈ పాటపై మధ్యప్రదేశ్ హోంమంత్రి నరోత్తమ్ మిశ్రా ఆగ్రహం వ్యక్తం చేశారు. ‘ఈ మ్యూజిక్ ఆల్బమ్ హిందువుల మనోభావాలను దెబ్బతీసేలా ఉంది. మేము రాధను పూజిస్తాం.. ఆమెను నర్తకిగా.. అరకొర బట్టలు వేసుకొని చూపిస్తే మేము బాధపడుతాం.. అందుకే ఆ వీడియోను వెంటనే డిలీట్ చేయండి.. వారికి మూడు రోజుల సమయం ఇస్తున్నాం.. ఈలోపు ఆ వీడియోను డిలీట్ చేయకపోతే తీవ్రమైన చర్యలు చేపట్టాల్సి వస్తుంది’ అంటూ చెప్పుకొచ్చారు.

ప్రస్తుతం మధ్యప్రదేశ్ హోంమంత్రి వ్యాఖ్యలు నెట్టింట వైరల్ గా మారాయి. మరి మంత్రి వ్యాఖ్యలపై సన్నీ ఎలా స్పందిస్తాడన్నది వేచిచూడాలి.