రూ.251 ఫోన్ ని ఇలా బుక్ చేయాలి బాస్

ఇప్పుడు ఎవరి నోట వెంట విన్నా ఈ ఫోన్ మాటే. వేలకు వేలు పోసి స్మార్ట్ ఫోన్ కొనాల్సిన రోజులు పోయి.. కేవలం రూ.251 చెల్లిస్తే చాలు.. అదిరిపోయే ఫీచర్లతో ఉన్న అండ్రాయిడ్ ఫోన్ మీ సొంతం అంటూ వచ్చిన ప్రకటన ఇప్పుడు దేశ వ్యాప్తంగా సంచలనం సృష్టిస్తోంది. రెండు రోజుల క్రితం రూ.500కు స్మార్ట్ ఫోన్ ను విడుదల చేసిన సదరు కంపెనీ.. తాజాగా 3జీని సపోర్ట్ చేసే స్మార్ట్ ఫోన్ విలువ కేవలం రూ.251 మాత్రమేనని చెప్పి ఊరించటంతో ఇప్పుడు సోషల్ మీడియాలో ఈ ఫోన్ యవ్వారం హాట్ టాపిక్ గా మారిపోయింది. ఒక మల్టీఫ్లెక్స్ లో లగ్జరీ సినిమా టిక్కెట్టు కంటే తక్కువ (కొన్నిచోట్ల మాత్రమే) ఉన్న ఈ ఫోన్ ను బుక్ చేయటానికి కోట్లాది మంది తెగ ఉత్సాహాన్ని ప్రదర్శిస్తున్నారు.

ఇంతకీ ఈ ఫోన్ ని ఎలా బుక్ చేసుకోవాలి? దాని లింక్ ఏమిటన్న అంశంపై పలువురు గూగుల్ ని సెర్చ్ చేస్తున్నారు. తాజాగా వెలువడిన సమాచారం ప్రకారం.. ఈ ఫోన్ ని http://freedom251.com/index.php/home వెబ్ సైట్ లో బుక్ చేసుకోవచ్చని చెబుతున్నారు. రేపు (గురువారం) ఉదయం 6 గంటల నుంచి బుక్ చేసుకోవచ్చని చెబుతున్నారు. ఫిబ్రవరి 18 ఉదయం 6 గంటల నుంచి ఫిబ్రవరి 21 రాత్రి 8 గంటల వరకూ బుకింగ్స్ కొనసాగుతాయి. మరింక ఆలస్యం ఎందుకంటారా?