పాక్ క్రికెటర్ తో రీల్.. బాలీవుడ్ బ్యూటీకి భారీ ట్రోల్!

విషయం ఏదైనా వివాదాలతో సహవాసం చేసే సెలబ్రిటీలు.. సినీ నటులు కొందరు ఉంటారు. ఆ కోవలోకే వస్తారు బాలీవుడ్ బ్యూటీ ఊర్వశి రౌతెలా. తాజాగా ఆమె చేసిన పనికి సోషల్ మీడియాలో పెద్ద ఎత్తున ట్రోలింగ్ ను ఎదుర్కొంటున్నారు. ఆ మధ్యనే టీమిండియా క్రికెటర్ రిషీబ్ పంత్ తో అమ్మడి ఇష్యూ తెలిసిందే. అందులో నుంచి ఇప్పుడిప్పుడే బయటకు వస్తున్న ఆమె.. తాజాగా భారత్ - పాక్ మధ్య జరిగిన టీ20 మ్యాచ్ కు హాజరైంది.

మ్యాచ్ సందర్భంగా పాకిస్థాన్ క్రికెటర్ నసీమ్ షాతో ఒక ఇన్ స్టా రీల్ చేసి.. షేర్ చేసింది. దీనిపై నెటిజన్లు పెద్ద ఎత్తున మండిపడుతున్నారు. ఊర్వశీని భారీగా ట్రోల్ చేస్తున్నారు. ఈ సందర్భంగా పలువురు రిషభ్ పంత్ పేరును జోడిస్తూ ట్రోల్ చేయటం గమనార్హం. పెద్ద ఎత్తున విమర్శలు.. ఆన్ లైన్ లో వెల్లువెత్తుతున్న వ్యతిరేకత నేపథ్యలో పాక్ క్రికెటర్ తో చేసిన రీల్ ను ఊర్వశీ డిలీట్ చేసినట్లుగా చెబుతున్నారు.

కొద్ది రోజలు క్రితం రిషబ్ పంత్.. ఊర్వశిల మధ్య పోస్టుల వార్ చోటు చేసుకోవటం తెలిసిందే. దీన్ని మొదలుపెట్టింది మాత్రం ఊర్వశీనే అని చెప్పాలి. ఒక ఇంటర్వ్యూ సందర్భంగా ఊర్వశి మాట్లాడుతూ.. తన కోసం ఆర్పీ (రిషిబ్ పంత్ అని చెప్పలేదు) అనే వ్యక్తి తనను కలిసేందుకు చాలా గంటల పాటు వెయిట్ చేశాడని పేర్కొంది. ఢిల్లీలో షూటింగ్ పూర్తి చేసుకొని రాత్రివేళకు హోటల్ కు చేరుకున్నానని.. అప్పటికే ఆర్పీ అనే వ్యక్తి తనను కలిసేందుకు హోటల్ లాంజ్ లో వెయిట్ చేస్తున్నాడని చెప్పింది.

తాను బాగా అలిసిపోవటంతో నిద్రలోకి జారుకున్నానని.. నిద్ర లేచి ఫోన్ చూసుకునేసరికి 16-17 మిస్డ్ కాల్స్ ఉన్నట్లుగా పేర్కొంది. తన కోసం ఒకరు ఎదురుచూస్తున్నా కలవలేకపోవటాన్ని ప్రస్తావించిన ఆమె.. అతడికి తర్వాత కలుద్దామని చెప్పానని.. ఆ తర్వాత ముంబయిలో కలిసినట్లుగా చెప్పింది.

ఈ ఎపిసోడ్ లో ఊర్వశి నోటి నుంచి వచ్చి ఆర్పీ మరెవరో కాదు.. క్రికెటర్ రిషిబ్ పంత్ అంటూ వాదనలు రావటం.. అదే సమయంలో రిషిబ్ రియాక్ట్ అయి.. కొందరు వ్యక్తులు ఇంటర్వ్యూల్లో పాపులార్టీ తెచ్చుకోవటం కోసం అలా ఎలా అబద్ధాలు ఆడతారు? అంటూ మండిపడ్డాడు. ఫేమస్ కావటం కోసం అలా ప్రవర్తించటమా? అంటూ మండిపడ్డాడు.

కాసేపటికి ఆ పోస్టును డిలీట్ చేశాడు. దీనికి స్పందించిన ఊర్వశి.. చోటు భయ్యా నువ్వు క్రికెట్ ఆడుకోవాలి.. నేనేం చిన్నపిల్లను కాదు బద్నాం చేయటానికి అంటూ కౌంటర్ ఇచ్చింది. ఆ తర్వాత రెండుమూడుస్లారు వీరిద్దరి మధ్య పోస్టుల పంచ్ లు చోటు చేసుకున్నాయి. అవి సమిసిపోతున్న వేళ.. పాక్ క్రికెటర్ తో ఊర్వశి చేసిన రీల్ ఇప్పుడు సంచలనంగా మారగా.. నెటిజన్ల నెగిటివ్ గా రియాక్టు అవుతున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.