Begin typing your search above and press return to search.
ఉక్రెయిన్ నుంచి స్వదేశానికి 133 మంది తెలుగు విద్యార్థులు
By: Tupaki Desk | 6 March 2022 11:39 AM GMT
ఉక్రెయిన్ యుద్ధంలో చిక్కుకుపోయిన మరో 133 మంది తెలుగు విద్యార్థులు ఆదివారం స్వదేశానికి చేరుకున్నారు. వీరిలో 105 మంది విద్యార్థులు తెలంగాణకు చెందిన వారు కావడం గమనార్హం. ఉక్రెయిన్‌లోని వివిధ పొరుగు దేశాల నుంచి వీరు ఢిల్లీకి వచ్చారు. విద్యార్థులను ఢిల్లీలోని తెలంగాణ భవన్‌కు తీసుకురాగా, రాష్ట్ర ప్రభుత్వ అధికారులు వారికి భోజనం, ఇతర ఏర్పాట్లు చేశారు. తెలంగాణ భవన్‌లో తెలంగాణ రెసిడెంట్‌ కమిషనర్‌ డాక్టర్‌ గౌరవ్‌ ఉప్పల్‌ విద్యార్థులతో ముచ్చటించారు.
తాజా బ్యాచ్‌తో ఉక్రెయిన్ నుంచి తరలించిన తెలంగాణ విద్యార్థుల సంఖ్య 595కు చేరింది. శనివారం 109 మంది విద్యార్థులు స్వదేశానికి చేరుకున్నట్లు అధికారులు తెలిపారు. ఆంధ్రప్రదేశ్‌కు చెందిన 28 మంది విద్యార్థుల బ్యాచ్ కూడా ఆదివారం ముంబైలో దిగింది. దీంతో రాష్ట్రానికి చెందిన విద్యార్థుల సంఖ్య 457కి చేరింది.
ముంబై, ఢిల్లీకి వచ్చే విద్యార్థులు హైదరాబాద్, విజయవాడ, విశాఖపట్నం, తిరుపతి, బెంగళూరు వంటి వివిధ విమానాశ్రయాలకు వారి ఇష్టానుసారం ప్రయాణించి అక్కడి నుంచి బస్సులు లేదా రైళ్లలో వారి స్వస్థలాలకు వెళ్లేందుకు ఏర్పాట్లు చేసినట్లు అధికారులు తెలిపారు.
ఫిబ్రవరి 26న తరలింపు ప్రారంభమైంది. ఉక్రెయిన్ పొరుగు దేశాల నుంచి రెండు తెలుగు రాష్ట్రాలకు చెందిన విద్యార్థులు విమానాల ద్వారా వచ్చారు. బుకారెస్ట్ (రొమేనియా), బుడాపెస్ట్ (హంగేరీ), ర్జెస్జో (పోలాండ్), కోసీస్ (స్లోవేకియా) మరియు సుసెవా (రొమేనియా) నుండి భారతీయ విమానాలు బయలుదేరాయి. అక్కడి నుంచే ఇండియాకు భారత విద్యార్థులను తీసుకొచ్చారు.
తాజా బ్యాచ్‌తో ఉక్రెయిన్ నుంచి తరలించిన తెలంగాణ విద్యార్థుల సంఖ్య 595కు చేరింది. శనివారం 109 మంది విద్యార్థులు స్వదేశానికి చేరుకున్నట్లు అధికారులు తెలిపారు. ఆంధ్రప్రదేశ్‌కు చెందిన 28 మంది విద్యార్థుల బ్యాచ్ కూడా ఆదివారం ముంబైలో దిగింది. దీంతో రాష్ట్రానికి చెందిన విద్యార్థుల సంఖ్య 457కి చేరింది.
ముంబై, ఢిల్లీకి వచ్చే విద్యార్థులు హైదరాబాద్, విజయవాడ, విశాఖపట్నం, తిరుపతి, బెంగళూరు వంటి వివిధ విమానాశ్రయాలకు వారి ఇష్టానుసారం ప్రయాణించి అక్కడి నుంచి బస్సులు లేదా రైళ్లలో వారి స్వస్థలాలకు వెళ్లేందుకు ఏర్పాట్లు చేసినట్లు అధికారులు తెలిపారు.
ఫిబ్రవరి 26న తరలింపు ప్రారంభమైంది. ఉక్రెయిన్ పొరుగు దేశాల నుంచి రెండు తెలుగు రాష్ట్రాలకు చెందిన విద్యార్థులు విమానాల ద్వారా వచ్చారు. బుకారెస్ట్ (రొమేనియా), బుడాపెస్ట్ (హంగేరీ), ర్జెస్జో (పోలాండ్), కోసీస్ (స్లోవేకియా) మరియు సుసెవా (రొమేనియా) నుండి భారతీయ విమానాలు బయలుదేరాయి. అక్కడి నుంచే ఇండియాకు భారత విద్యార్థులను తీసుకొచ్చారు.
