ట్విట్టర్ సీఈవో బరిలో మన భారతీయుడు..? ఎలన్ మస్క్ ఎంపిక ఎవరంటే?

ట్విట్టర్ ను టేకోవర్ చేసుకున్నాక.. ఆ సంస్థకు సీఈవో అయిన భారతీయ ఐటీ నిపుణుడు పరాగ్ అగర్వాల్ సహా సీఎఫ్వో... విజయగద్దెలాంటి ఉన్నతాధికారులను ఎలన్ మస్క్ తొలగించారు. ఇందులో ఇద్దరు భారతీయ నిపుణులు ఉన్నారు. ఓవైపు ట్విట్టర్ నుంచి భారతీయులను తీసేస్తున్న ఇదే ఎలన్ మస్క్ కు మరో భారతీయుడు సాయం చేస్తుండడం విశేషం. ట్విట్టర్‌ ను పూర్తిగా ఎలన్ మస్క్‌ ఆక్రమించాడు.. మస్క్ మునుపటి కంటే మెరుగ్గా తీర్చిదిద్దడానికి గడియారంతో పరుగులు పెడుతూ పని చేస్తున్నాడు. ఈ వారాంతంలో 'బ్లూ -టిక్' (ధృవీకరణ ప్రక్రియ) , ఎక్కువగా మాట్లాడే ఎడిట్ బటన్‌కు సంబంధించి కొన్ని మార్పులు చేస్తున్నాడని.. వాటిని డబ్బులకే ఇవ్వడానికి ఎలన్ మస్క్ రెడీ అయ్యారు.

కానీ మస్క్ టెస్లా సీఈవోగా ఉన్న సంగతి తెలుసిందే. అతని చేతిలో చాలా పని ఉంది. కాబట్టి మస్క్ తన అంతరిక్ష సంస్థ స్పేస్ ఎక్స్, సోషల్ మీడియా దిగ్గజం ట్విట్టర్ మధ్య నలిగిపోతున్నాడు. ఏ సంస్థను సరిగ్గా ఎలా నిర్వహిస్తున్నాడన్నది అందరికీ అనుమానాలు రేకెత్తిస్తోంది. అయితే ట్విట్టర్ నిర్వహణలో ఎలన్ మస్క్ కు శ్రీరామ్ కృష్ణన్ అనే పేరు గల భారతీయ మూలానికి చెందిన వ్యక్తి సహాయపడుతున్నట్టు సమాచారం. ట్విట్టర్‌ని పునరుద్ధరించడంలో మస్క్‌కి మన భారతీయ శ్రీరామ్ కృష్ణన్ సహాయం చేస్తున్నాడని తెలిసింది.

శ్రీరామ్ కృష్ణన్ ఒక టెక్ ఔత్సాహికుడు. స్టార్టప్‌లలో పెట్టుబడి పెడతాడు. ఆశ్చర్యకరంగా అతను ట్విట్టర్‌లో మాజీ ఉద్యోగి. గతంలో శ్రీరామ్ ట్విట్టర్ లో హోమ్ టైమ్‌లైన్.. కొత్త వినియోగదారుల అనుభవ శోధన, ఆవిష్కరణ.. ప్రేక్షకుల పెరుగుదలతో సహా ఉత్పత్తులకు బాధ్యత వహించే ప్రధాన వినియోగదారు బృందాలకు నాయకత్వం వహించాడు.

శ్రీరామ్ మెటా (ఫేస్‌బుక్), మైక్రోసాఫ్ట్ , స్నాప్‌చాట్‌లో కూడా పనిచేశారు. అతడికి సోషల్ మీడియాలో చాలా చక్కని అనుభవం ఉంది. అదే కారణంతో తాజాగా శ్రీరామ్‌ ట్విట్టర్ ను చక్కదిద్దే పనిలో పడ్డాడు. ఇవే కాకుండా, శ్రీరామ్ పాడ్‌కాస్ట్/యూట్యూబ్ ఛానెల్‌ని కూడా హోస్ట్ చేస్తాడు. అతడు ఇప్పటికే ఎలన్ మస్క్, మార్క్ జుకర్‌బర్గ్ , ఇతరులను ఇంటర్వ్యూ చేశాడు.

ట్విట్టర్‌ని పునరుద్ధరించడంలో తాను మస్క్‌కి మద్దతు ఇస్తున్నానని అంగీకరిస్తూ శ్రీరామ్ ట్విట్టర్‌లోకి వెళ్లి ఈ విషయాన్ని ప్రకటించాడు. “ఇప్పుడు చర్చలు ముగిశాయి. నేను ఎలన్ మస్క్ ట్విట్టర్‌తో కలిసి పనిచేస్తున్నాను. తాత్కాలికంగా మరికొందరు గొప్ప వ్యక్తులతో సహాయం చేస్తున్నాను. ఇది చాలా ముఖ్యమైన కంపెనీ అని , ప్రపంచంపై గొప్ప ప్రభావాన్ని చూపగలదని నమ్ముతున్నాను. ఎలన్ మస్క్ దానిని సాకారం చేయగల వ్యక్తి అని.. అందుకే అతడితో కలిసి నడవాలనుకుంటున్నట్టు చెప్పాడు.

సోషల్ మీడియా రంగంలో తనకున్న అపారమైన అనుభవాన్ని దృష్టిలో ఉంచుకుని ఎలన్ మస్క్ శ్రీరామ్‌ను ట్విట్టర్ కొత్త సీఈవోగా నియమించే అవకాశాలు ఎక్కువగా ఉన్నాయని సిలికాన్ వ్యాలీలో వార్తలు వస్తున్నాయి.

శ్రీరామ్ చెన్నైలో జన్మించాడు. ఇవే నిజమైతే, చెన్నై నుంచి మనం ఒక అమెరికన్ టెక్ కంపెనీకి రెండవ సీఈవోగా శ్రీరామ్ ను చూడొచ్చు. ఇక ఇప్పటికే చెన్నై నుంచి వెళ్లిన సుందర్ పిచాయ్ ప్రపంచ ప్రఖ్యాత గూగుల్ సీఈవోగా చేస్తున్నాడు. శ్రీరామ్ కూడా అయితే అది మన దేశానికి మరో గౌరవం అని చెప్పొచ్చు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.