లైంగిక 'క్రీడలు'.. భారతీయుడికి 21 ఏళ్ల జైలు

11 ఏళ్ల అమ్మాయితో అశ్లీల క్రీడలు చేసిన భారతీయ సంతతి వ్యక్తికి అమెరికాలో భారీ శిక్ష పడింది. మైనర్ ను లొంగదీసుకొని ఆమెతో అశ్లీల ఫొటోలు, వీడియోలు తీసిన నేరానికి భారతీయ సంతతి వ్యక్తికి కఠిన శిక్ష విధించారు.

అమెరికాలో ఉండే దేవేష్ వాలంజు అనే 21 ఏళ్ల యువకుడు ఆన్ లైన్ లో పోర్న్ సైట్లకు బానిస అయ్యాడు. ఈ క్రమంలో అమ్మాయిలతో అసభ్యకర పదజాలంతో చిట్ చాట్ లు నిర్వహించేవాడు. ఇలానే చిక్కిన 11 ఏళ్ల ఓ బాలికతో పరిచయం పెంచుకున్నాడు. రెండు సార్లు ఆమెను ఫ్లోరిడాలోని మ్యాక్స్ హస్సె పార్క్ లో కలిశాడు. అక్కడి నుంచి నమ్మించి ఆమెను హోటల్ కు తీసుకెళ్లేవాడు.. రూమ్ తీసుకొని అక్కడ బాలిక దుస్తులు విప్పించి రకరకాలుగా వీడియోలు - ఫొటోలు తీసేవాడు.

ఫ్రెండ్స్ ను కలవాలంటూ బాలిక వెళ్తున్న తీరు చూసి సందేహపడిన ఆ బాలిక తల్లిదండ్రులు బాలిక చాట్ హిస్టరీని పరిశీలించగా విషయం వెలుగుచూసింది.. అందులో బాలిక అశ్లీల ఫొటోలు - వీడియోలు ఉండడంతో పోలీసులకు సమాచారం అందించారు.

కేసు నమోదు చేసుకొని దర్యాప్తు చేయగా దివేష్ చాలా దొంగపేర్లతో ఇలా అమ్మాయిలకు దగ్గరకు మోసం చేస్తున్నాడని తేలింది. బాలికతో అశ్లీల వీడియోలు తీశాడని నిరూపణ అయ్యింది. దీంతో అతడిని అరెస్ట్ చేసి కోర్టులో విచారిస్తున్నారు. తాజాగా కోర్టులో దివేష్ దోషిగా తేలి ఏకంగా 21 ఏళ్ల పదినెలల జైలు శిక్ష విధిస్తూ కోర్టు తీర్పు చెప్పింది.