కరోనా కి ప్లాస్మా థెరపీ సరైనదేనా...ఐసిఎంఆర్ కొత్త మార్గనిర్దేశకాలు !

దేశంలో కరోనా వైరస్ మహమ్మారి విజృంభణ కొనసాగుతుంది. లక్షల్లో కేసులు నమోదు అవుతున్నాయి. అలాగే వేల కొద్ది మరణాలు చోటుచేసుకుంటున్నాయి. ఇదిలా ఉంటే కరోనా తగ్గడానికి ప్లాస్మా థెరపీ చేస్తున్న సంగతి తెలిసిందే. దీనిపై తాజాగా ఐసిఎంఆర్ కీలక వ్యాఖ్యలు చేసింది. 39 ట్రయల్ సెంటర్లలో 464 కరోనా రోగులపై నిర్వహించిన ఇసిఎంఆర్ అధ్యయనం ప్లాస్మా థెరపీ మరణాల రేటును తగ్గించడం లేదని, దీనితో చికిత్స ఉపయోగం, దాని సమర్థతపై సందేహాలు వ్యక్తమవుతున్నాయి. అందుకే ఐసిఎంఆర్ ప్లాస్మా థెరపీ పద్దతిని సమీక్ష చేసి నూతన మార్గనిర్దేశకాలను జారీ చేస్తున్నట్లు ప్రకటించింది.

18 మంది వైద్యులు, శాస్త్రవేత్తలు, ప్రజారోగ్య నిపుణుల బృందం ఇటీవల ప్రభుత్వానికి లేఖ రాసింది. ప్లాస్మా థెరపీ కరోనా వైరస్ కి కారణమయ్యే వైరస్ అయిన సార్స్-కోవ్ -2 వైరస్ జాతుల అవకాశాన్ని పెంచుతుందని ఆరోపిస్తూ లేఖలో తెలిపింది. ప్లాస్మా చికిత్సపై దేశంలో ప్రస్తుతం ఉన్న మార్గదర్శకాలు శాస్త్రీయంగా లేవని వాదించడానికి, ఐసిఎంఆర్, ప్లాసిడ్ ట్రయల్, ఆక్స్ఫర్డ్ విశ్వవిద్యాలయం నిర్వహించిన రికవరీ ట్రయల్, అర్జెంటీనా ప్లాస్మ్ ఆర్ ట్రయల్ అనే మూడు అధ్యయనాలను నిపుణులు తమ లేఖలో ఉదహరించారు. కరోనా చికిత్స కోసం ప్లాస్మా అందించినా ప్రయోజనం లేదని ప్రస్తుత పరిశోధన ఆధారాలు ఏకగ్రీవంగా సూచిస్తున్నాయి. ఐసిఎంఆర్ జారీ చేసిన మార్గదర్శకాల వల్ల ప్రస్తుతం ప్లాస్మా థెరపీని ఆఫ్ లేబుల్ వాడకంగా సిఫారసు చేస్తున్నందున సమస్యలు ఎదురవుతున్నాయని బృందం పేర్కొంది.

ఇది చాలా అసాధారణమైనదని, ఆఫ్, లేబుల్ వాడకం అంటే ఆమోదించబడని ఉపయోగం అని సూచిస్తుందని తెలిపింది. ఇప్పుడున్న మార్గదర్శకాలను అత్యవసరంగా సమీక్షించి ఈ అనవసరమైన చికిత్సను తొలగించమని ప్రభుత్వాన్ని అభ్యర్థించింది. కరోనా సెకండ్ వేవ్‌లో కేసుల సంఖ్య విపరీతంగా పెరిగింది. దేశ ఆరోగ్య సంరక్షణ వ్యవస్థపై ఇది తీవ్ర ఒత్తిడి కలిగిస్తోంది. రోగుల బంధువుల అభ్యర్థనలతో ప్లాస్మాకు డిమాండ్ పెరిగింది. దాతను పొందడం సాధ్యమే. అయితే ప్లాస్మా అనేది ప్రతిరోధకాలను కలిగి ఉన్న రక్తంలో ఒక భాగం. కరోనా వైరస్ నుంచి కోలుకున్న వ్యక్తులు నిర్దిష్ట సమయం తరువాత ప్లాస్మాను దానం చేయడానికి అనుమతిస్తారు.