శ్రద్ధను చంపి 35 ముక్కులుగా ఎందుకు నరికాడో చెప్పిన అఫ్తాబ్

శ్రద్ధా వాకర్ హత్య కేసు నిందితుడు అఫ్తాబ్ పూనావాలా సంచలన విషయాలు వెల్లడించాడు. డేటింగ్ యాప్ లో పరిచయమైన వ్యక్తిని శ్రద్ధా కలవడం వల్లే ఆమెను చంపాల్సి వచ్చిందని తెలిపాడు. ఢిల్లీ పోలీసుల ప్రత్యేక దర్యాప్తు బృందం (సిట్) తెలిపిన ప్రకారం.. మెహ్రౌలీ నివాసి అయిన బద్రీతో శ్రద్ధా వాకర్ డేటింగ్ యాప్ లో పరిచయం పెంచుకొని స్నేహం చేయడాన్ని తట్టుకోలేక అఫ్తాబ్ పూన్‌వాలా ఆమె బెదిరించాడు.

ఆమెను కొట్టాడు. దీనిపై వారి మధ్య గొడవ జరిగింది. ఈ క్రమంలోనే శ్రద్ధ గొంతునొక్కి చంపి, ముక్కలుగా నరికేశానని విచారణ జరుపుతున్న సిట్ ముందు అసలు నిజాలు బయటపెట్టాడు.

హిమాచల్ పర్యటనలో కలిసిన బద్రీ అనే వ్యక్తి నివాసంలో అఫ్తాబ్-శ్రద్ధం ఈ అంశంపై గొడవ పడ్డారని తెలిసింది. ఆ సమయంలో పూనావాలా వాకర్‌ను బెదిరించడంతో బద్రీ అతడిని అడ్డుకోవలసి వచ్చిందట.. వాకర్ మరియు పూనావాలా ఇద్దరూ బద్రీని స్నేహితుడిలా చూసుకున్నారని, అయితే శ్రద్ధ- బద్రీల మధ్య సన్నిహిత స్నేహం పూనావాలాకు నచ్చలేదని ఢిల్లీ పోలీసు వర్గాలు తెలిపాయి.

"వారు మంచి స్నేహితులు అయ్యారు. బద్రి సూచనల ఆధారంగా మే మొదటి వారంలో ఇద్దరూ ఢిల్లీకి వచ్చారు. వారు మొదట గెస్ట్ హౌస్‌లో, ఆపై హోటల్‌లో బస చేసారు. హత్య జరగడానికి కొద్ది రోజుల ముందు, బద్రీ సహాయంతో మే 14న ఛత్తర్‌పూర్‌లోని ఫ్లాట్‌ను అద్దెకు తీసుకున్నారు" అని ఢిల్లీ పోలీసు వర్గాలు తెలిపాయి.

దర్యాప్తు సమయంలో బద్రీ నివాసంలో జరిగిన గొడవ గురించి పోలీసు అధికారులు తెలుసుకున్నారు. ఇది అతన్ని కేసులో అత్యంత కీలకమైన సాక్షిగా చేసింది. మేజిస్ట్రేట్ ముందు క్రిమినల్ ప్రొసీజర్ కోడ్ సెక్షన్ 164 కింద అతని వాంగ్మూలాన్ని పోలీసులు నమోదు చేశారు.

బద్రీ నివాసం టెర్రస్‌పై కూర్చున్నప్పుడు శ్రద్ధ వాకర్ శరీర భాగాలను అడవిలో పారవేయాలనే ఆలోచన తనకు వచ్చిందని పూనావాలా అంగీకరించినట్లు పోలీసు వర్గాలు తెలిపాయి. మెహ్రౌలీ అడవికి దగ్గరగా ఉన్న ఆ జంట నివసించే ప్రాంతంలోనే బద్రీ నివసిస్తున్నారు. శ్రద్ధ వాల్కర్‌ని అక్కడే హత్య చేసేందుకు పూనావాలా కూడా తుది ప్రణాళికలు రచించాడని అనుమానిస్తున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.