వాడికి రాక్షసులతో ఫైనాన్స్ లింకులు

ప్రపంచాన్ని వణికిస్తున్న ఐఎస్ తీవ్రవాదుల ప్రభావం దేశంలో చాలానే ఉందన్న విషయం ఇప్పుడిప్పుడే అర్థమవుతోంది. ప్రపంచ దేశాలతో పాటు.. భారత్ లోని పలువురు ఈ రాక్షసుల పట్ల సానుభూతి.. అభిమానాన్ని ప్రదర్శించటం మింగుడుపడని వ్యవహారంగా మారింది. మానవత్వమన్నది లేకుండా వ్యవహరించే ఈ దర్మార్గులకు సాయం చేస్తున్న వారిని ఇటీవల అరెస్ట్ చేసిన సంగతి తెలిసిందే.

తాజాగా రూర్కీ అనే వ్యక్తిని ఢిల్లీ పోలీసులు అదుపులోకి తీసుకున్నారు. ఐఎస్ సానుభూతిపరుడైన ఇతగాడి ప్రత్యేకత ఏమిటంటే.. ఐఎస్ ను అభిమానించే వారికి.. సానుభూతిపరులుగా ఉండేవారికి ఫైనాన్స్ చేస్తుంటాడట. ఇతని మరో ప్రత్యేకత ఏమిటంటే.. సిరియాలోని ఐఎస్ ఉగ్రవాదులతోనూ నేరుగా లింకులు ఉన్నట్లు గుర్తించారు. తాజాగా అదుపులోకి తీసుకున్న ఇతగాడితో ఇప్పటివరకూ దేశంలో ఐదుగురు ఐఎస్ సానుభూతిపరుల్ని అదుపులోకి తీసుకున్నట్లైంది. భద్రతాధికారులు కానీ మరింత లోతుగా దృష్టి సారిస్తే.. ఇంకెందరు దొరుకుతారో..?