అమరావతిలో 500 ఎకరాలు కొన్న స్టార్ హీరో..షాకిచ్చిన జగన్?

అమరావతి అంటే టీడీపీ నేతల భూదందాకు నిదర్శనం అని అసెంబ్లీ సాక్షి ఏపీ ఆర్థిక మంత్రి బుగ్గన బయటపెట్టిన సంగతి తెలిసిందే.. ఎవరెవరు ఎన్ని ఎకరాలు కొన్నది లెక్కలు చెప్పి మరీ షాకిచ్చారు. చంద్రబాబు అమరావతిని ప్రకటించకముందే లీక్ చేసేయడంతో దాదాపు 4వేల ఎకరాలకు పైగా భూమిని అక్కడ రాజకీయ నేతలు, పారిశ్రామిక వర్గాలు టాలీవుడ్ హీరోలు కొనేశారని బుగ్గన ఆరోపించారు... ఆ లెక్కలన్నీ వైసీపీ ప్రభుత్వం బయటపెడుతోంది.

అయితే చంద్రబాబు అమరావతి రాజధాని లీక్స్ ను అందిపుచ్చుకొని ఓ తెలుగు స్టార్ హీరో తన బినామీలతో కలిసి అక్కడ ఏకంగా 500 ఎకరాల భూములు కొన్నాడట.. అక్కడ స్టూడియోతోపాటు ఫిలింసిటీ కడుదామని కోట్లు ఖర్చు పెట్టి కొనేశాడట..

చంద్రబాబు ఆయన అనుయాయుల భూదందా చూసిన జగన్ సీబీఐ విచారణకు ఆదేశాలు ఇవ్వడానికి రెడీ అవుతున్నారు. అంతేకాదు.. రాజధానిని విశాఖకు మార్చడానికి జగన్ రెడీ అవుతున్నట్టు తెలుస్తోంది.

ఈ నేపథ్యంలో అమరావతిలో 500 ఎకరాలు తన బినామీలు - స్నేహితుల చేత కొనిపిచ్చిన టాలీవుడ్ స్టార్ హీరో లబోదిబోమంటున్నాడట.. కోట్లు పెట్టి కొన్న భూమి ధర ఇప్పుడు రాజధాని మార్పుతో లక్షలకు పడిపోయిందట.. దీంతో నిండా మునిగిన ఆ స్టార్ హీరో తెగ బాధిపడిపోతున్నట్టు పొలిటికల్ సర్కిల్స్ లో వార్త చక్కర్లు కొడుతోంది.