సోష‌ల్ మీడియాలో హ‌ల్ చ‌ల్ చేస్తున్న జ‌గ‌న్‌

వైఎస్ ఆర్ కాంగ్రెస్ అధినేత‌ - ఏపీ ప్ర‌తిప‌క్ష నేత వైఎస్ జ‌గ‌న్ మోహ‌న్ రెడ్డి లేటెస్ట్ లుక్‌ లో అద‌ర‌గొట్టేస్తున్నారు. బ్రిట‌న్‌ లో పర్య‌టిస్తున్న వైఎస్ జ‌గ‌న్ ఈ క్ర‌మంలో జాలీగా గోల్ఫ్ ఆడుతున్న ఫొటోలు ఇపుడు సోష‌ల్ మీడియాలో వైర‌ల్‌ గా మారాయి. జీన్స్ - రౌండ్ నెక్‌ తో ఉన్న జ‌గ‌న్ ఫొటోలు హ‌ల్‌ చ‌ల్ చేస్తున్నాయి. కూల్ మూడ్‌ లో ఉన్న జ‌గ‌న్ గోల్ఫ్ స్టిక్‌ తో అలా బాల్‌ ను లాగిపెట్టి కొడుతున్న స్టిల్‌...దుమ్ము రేపేలా ఉంద‌ని ఆయ‌న అభిమానులు మురిసిపోతున్నారు.

ఇటీవ‌లి కాలం వ‌ర‌కు రాష్ట్రంలో బిజీబిజీగా ఉన్న సంగ‌తి తెలిసిందే. వ‌రుసగా ఎమ్మెల్యేలు పార్టీ మార‌డం - అనంత‌రం వ‌చ్చిన‌ రాజ్య‌స‌భ ఎన్నిక‌లు - నాలుగో అభ్య‌ర్థి టెన్ష‌న్ వంటి బిజిబిజీ షెడ్యూల్ల‌తో అల‌సిన జ‌గ‌న్ లండ‌న్ టూర్ పెట్టుకున్న‌ట్లు చెప్తున్నారు. అల‌సిన షెడ్యూల్ నుంచి పూర్తి రిలాక్స్ టూర్ పెట్టుకున్న జ‌గ‌న్ త‌న ప‌ర్య‌ట‌న తాలుకు కొన్ని చిత్రాలు విడుద‌ల చేసి అభిమానుల‌కు క‌నువిందు చేయ‌డాన్ని మాత్రం ఆయ‌న‌ ఫ్యాన్స్ ఫుల్లుగా ఎంజాయ్ చేస్తున్నారు.