Begin typing your search above and press return to search.
కాంగ్రెస్ ఆశలు..ఆ పార్టీల మీదే - ఏమవుతుందో!
By: Tupaki Desk | 8 April 2019 5:46 AM GMT
తాము ఇప్పుడు పరస్పరం తలపడుతున్నా.. ఎన్నికల తర్వాత మాత్రం ఆ పార్టీలు తమ వద్దకే వస్తాయని అంటున్నారు కాంగ్రెస్ ముఖ్య నేత జ్యోతిరాదిత్య సింధియా. ప్రత్యేకించి యూపీలోని రాజకీయ పరిస్థితి గురించి సింధియ ఈ వ్యాఖ్యలు చేశాడు. యూపీలో ఎస్పీ-బీఎస్పీలు పరస్పరం పొత్తుతో రంగంలోకి దిగిన సంగతి తెలిసిందే. పొత్తు విషయంలో కాంగ్రెస్ పార్టీని అవి ఏ మాత్రం పరిగణనలోకి తీసుకోలేదు.
కాంగ్రెస్ కు కొద్దో గొప్పో సీట్లు కేటాయించడం కూడా వేస్ట్ అన్నట్టుగా ఆ పార్టీని అవి పూర్తిగా పక్కన పెట్టేశాయి. దీంతో కాంగ్రెస్ పార్టీ ఆ రాష్ట్రంలో ఒంటరిగా పోటీ చేస్తూ ఉంది.
విశేషం ఏమిటంటే.. ఎస్పీ-బీఎస్పీ కూటమి అయినా, కాంగ్రెస్ పార్టీ అయినా బీజేపీ వ్యతిరేక ఓటు మీదే ఆధాపడి ఉన్నాయి. బీజేపీకి వ్యతిరేకం అయిన ఓట్లు మాత్రమే వాటికి పడాలి. ఆ ఓట్లను వీరు చీల్చుకుంటూ ఉన్నారు. గతంలో ఎస్పీ-కాంగ్రెస్ పార్టీలు పొత్తుతో పోటీ చేశాయి. యూపీ అసెంబ్లీ ఎన్నికలప్పుడు ఆ పొత్తు పొడిచింది. అయితే వారిద్దరూ కలిసినా బీజేపీ ప్రభంజనాన్ని తట్టుకోలేకపోయారు. అప్పుడు బీఎస్పీ సోలోగా పోటీ చేసింది. చిత్తు అయ్యింది.
అలా ఒక కూటమికి, మరో పార్టీకి మధ్యన బీజేపీ వ్యతిరేక ఓటు చీలింది. ఇక ఇప్పుడు ఎస్పీ-బీఎస్పీలు చేతులు కలిపాయి. కాంగ్రెస్ పార్టీ సోలోగా రంగంలోకి దిగుతోంది. ఈ సారి కూడా ఓట్ల చీలిక ఖాయంగా కనిపిస్తూ ఉంది. అయితే కాంగ్రెస్ పార్టీ మాత్రం.. ఎస్పీ-బీఎస్పీలు తమ మిత్రపక్షాలే అంటోంది.
ఎన్నికల తర్వాత అవి తమతోనే కలుస్తాయని జ్యోతిరాదిత్య సింధియా ప్రకటించాడు. ఎస్పీ-బీఎస్పీలు బాగానే సీట్లను సాధించవచ్చు అనే అంచనాల నేపథ్యంలో..ఆ పార్టీల మద్దతు తమకే ఉంటుందని సింధియా ప్రకటించాడు. అవి బీజేపీ వ్యతిరేక పక్షాలు కాబట్టి.. సింధియా ఆశలు బాగానే ఉన్నాయి కానీ, అవి బేషరతుగా మద్దతు ఇస్తాయా? అనేది మాత్రం ప్రశ్నార్థకమే!
కాంగ్రెస్ కు కొద్దో గొప్పో సీట్లు కేటాయించడం కూడా వేస్ట్ అన్నట్టుగా ఆ పార్టీని అవి పూర్తిగా పక్కన పెట్టేశాయి. దీంతో కాంగ్రెస్ పార్టీ ఆ రాష్ట్రంలో ఒంటరిగా పోటీ చేస్తూ ఉంది.
విశేషం ఏమిటంటే.. ఎస్పీ-బీఎస్పీ కూటమి అయినా, కాంగ్రెస్ పార్టీ అయినా బీజేపీ వ్యతిరేక ఓటు మీదే ఆధాపడి ఉన్నాయి. బీజేపీకి వ్యతిరేకం అయిన ఓట్లు మాత్రమే వాటికి పడాలి. ఆ ఓట్లను వీరు చీల్చుకుంటూ ఉన్నారు. గతంలో ఎస్పీ-కాంగ్రెస్ పార్టీలు పొత్తుతో పోటీ చేశాయి. యూపీ అసెంబ్లీ ఎన్నికలప్పుడు ఆ పొత్తు పొడిచింది. అయితే వారిద్దరూ కలిసినా బీజేపీ ప్రభంజనాన్ని తట్టుకోలేకపోయారు. అప్పుడు బీఎస్పీ సోలోగా పోటీ చేసింది. చిత్తు అయ్యింది.
అలా ఒక కూటమికి, మరో పార్టీకి మధ్యన బీజేపీ వ్యతిరేక ఓటు చీలింది. ఇక ఇప్పుడు ఎస్పీ-బీఎస్పీలు చేతులు కలిపాయి. కాంగ్రెస్ పార్టీ సోలోగా రంగంలోకి దిగుతోంది. ఈ సారి కూడా ఓట్ల చీలిక ఖాయంగా కనిపిస్తూ ఉంది. అయితే కాంగ్రెస్ పార్టీ మాత్రం.. ఎస్పీ-బీఎస్పీలు తమ మిత్రపక్షాలే అంటోంది.
ఎన్నికల తర్వాత అవి తమతోనే కలుస్తాయని జ్యోతిరాదిత్య సింధియా ప్రకటించాడు. ఎస్పీ-బీఎస్పీలు బాగానే సీట్లను సాధించవచ్చు అనే అంచనాల నేపథ్యంలో..ఆ పార్టీల మద్దతు తమకే ఉంటుందని సింధియా ప్రకటించాడు. అవి బీజేపీ వ్యతిరేక పక్షాలు కాబట్టి.. సింధియా ఆశలు బాగానే ఉన్నాయి కానీ, అవి బేషరతుగా మద్దతు ఇస్తాయా? అనేది మాత్రం ప్రశ్నార్థకమే!
