కల్వకుంట్ల కవిత దారెటు.?

అఖండ తెలంగాణను గెలిచిన కేసీఆర్.. తన కూతురు కవితను మాత్రం నిజామాబాద్ లో గెలిపించుకోలేకపోయారు.. సొంత పార్టీ ఎమ్మెల్యేలే కవితను ఓడించారన్న ప్రచారం జరిగింది. కవిత ఓడిపోయాక వారు పార్టీ చేసుకున్నారని ఇంటెలిజెన్స్ రిపోర్ట్ వచ్చింది.అయినా కేసీఆర్ ఇంతవరకు తన కూతురు కవిత ఓటమిపై స్పందించింది లేదు.. ప్రతీకార చర్యలు తీసుకున్నదీ లేదు.

అయితే కవిత మాత్రం.. ఓడినా..గెలిచినా తాను నిజామాబాద్ ప్రజలతోనే ఉంటానని.. వెరే ఎక్కడి నుంచి పోటీచేయనని తాజాగా పేర్కొందట.. దీంతో కవితను తెలంగాణలో ఎమ్మెల్యే గా గెలిపించి తొలి మంత్రిని చేస్తారన్న ఊహాగానాలకు చెక్ పడింది..

హుజూర్ నగర్ ఎమ్మెల్యేగా గెలిచిన ఉత్తమ్ తాజా పార్లమెంట్ ఎన్నికల్లో నల్గొండ ఎంపీగా గెలవడంతో ఆయన రాజీనామా చేయనున్నారు. అయితే ఆ సీట్లో కవితను గెలిపించి మంత్రిని చేస్తారని ప్రచారం జరిగింది. ఇక కేసీఆర్ తన కూతురు కవితను రాజ్యసభ ఎంపీగా పంపిస్తాడని వార్తలు వచ్చాయి. కానీ కవిత మాత్రం ఈ విషయంలో తాను నిజామాబాద్ ప్రజలతోనే ఉంటానని..వేరే ఏ పదవిలో వెళ్లనని చెప్పడం కొసమెరుపు..

అయితే తండ్రి కేసీఆర్ ప్రోద్బలం - పార్టీ బలంతో గెలవాలని కవిత చూడడం లేదు. ఇప్పటికే తెలంగాణ వాణిని ఢిల్లీలో వినిపించిన యంగ్ డైనమిక్ లీడర్ గా కవితకు పేరుంది. అలాగే జాగృతి పేరిట తెలంగాణ సంస్కృతిని విశ్వవ్యాప్తం చేసిన ఘనత కవితది. అలాంటి కవిత దారెటు అన్నది ప్రస్తుతానికి సస్పెన్స్ గా మారడం టీఆర్ ఎస్ అభిమానులను కలిచివేస్తోంది.