కత్తి ట్వీట్స్‌!... ప‌వ‌న్‌ కు వార్నింగిచ్చేశాడు!

టాలీవుడ్ ప‌వ‌ర్ స్టార్‌ - జన‌సేన అధినేత ప‌వ‌న్ క‌ల్యాణ్ పై సినీ క్రిటిక్ క‌త్తి మ‌హేశ్ మ‌ధ్య చాలా కాల‌మే ఓ చిన్న పాటి యుద్ధ‌మే జ‌రిగింద‌ని చెప్పాలి. ట్విట్ట‌ర్ వేదిక‌గా క‌త్తి మ‌హేశ్ - లైవ్ డీబేట్ల‌లో ప‌వ‌న్ ఫ్యాన్స్ ఒకరిపై మ‌రొక‌రు క‌త్తులు దూసుకున్నారు. ప‌వ‌న్ క‌ల్యాణ్ తీరును దునుమాడుతూ క‌త్తి మ‌హేశ్ చేసిన వ్యాఖ్య‌లు తెలుగు నేల వ్యాప్తంగా ఉన్న ప‌వ‌న్ ఫ్యాన్స్‌ను బాగానే హ‌ర్ట్ చేశాయ‌ని చెప్పాలి. ఈ క్ర‌మంలో క‌త్తి మ‌హేశ్ కు కూడా పెద్ద సంఖ్య‌లోనే బెదిరింపులు ఎదుర‌య్యాయి. చివ‌ర‌కు వీరి మ‌ధ్య వివాదం బూతు పురాణం దాకా వెళ్లింద‌నే చెప్పాలి. ఈ బూతు పురాణం కూడా హ‌ద్దులు దాటిపోయింది. ఒకానొక ద‌శ‌లో త‌ల్లుల‌ను కూడా దూషించుకునే స్థాయికి వెళ్లింది.

దీంతో వీరిమ‌ధ్య వివాదాన్ని ప‌రిష్క‌రించేందుకంటే కొంద‌రు సినీ ప్ర‌ముఖులు ఎంట్రీ ఇచ్చినా... ఏ ఒక్క‌రు కూడా సక్సెస్ కాలేకపోయారు. చివ‌ర‌కు క‌త్తి మ‌హేశ్‌, ప‌వ‌న్ ఫ్యాన్స్ అల‌సిపోయి... ఎవ‌రికి వారుగా త‌గ్గారు. అంతేకాకుండా అప్ప‌టిదాకా ప‌ర‌స్ప‌రం పోలీసుల‌కు ఇచ్చిన కంప్లైంట్ల‌ను వెన‌క్కు కూడా తీసుకున్నారు. ఈ క్ర‌మంలో ప్రస్తుతం వీరి మ‌ధ్య ప‌రిస్థితి కామ్‌గానే ఉంది. అయితే ఏమైందో తెలియ‌దు గానీ... క‌త్తి మ‌హేశ్ మ‌రోమారు అగ్గి మీద గుగ్గిలం అయ్యారు. ఏం జ‌రిగిందో తెలియ‌దు గానీ... ట్విట్ట‌ర్ వేదిక‌గా ఎంట్రీ ఇచ్చేసిన క‌త్తి మ‌హేశ్ ఏకంగా ప‌వ‌ర్ స్టార్ ఫ్యాన్స్ తో పాటు ఏకంగా నేరుగా ప‌వ‌న్ క‌ల్యాణ్ కు కూడా భారీ వార్నింగే ఇచ్చేశార‌ని చెప్పాలి. అయినా ఏ కార‌ణం లేకుండానే క‌త్తి మ‌హేశ్ కూడా రంగంలోకి దిగ‌రు క‌దా.

మ‌రి ఏం జ‌రిగింద‌న్న విష‌యానికి వ‌స్తే... ప‌వ‌న్ ఫ్యాన్స్ మ‌ళ్లీ క‌త్తి మ‌హేశ్ ను కెలుకుతున్నార‌ట‌. ఈ విష‌యాన్ని గ్ర‌హించిన మీద‌టే కత్తి మ‌హేశ్ మ‌రోమారు ప‌వ‌న్ ఫ్యాన్స్ పై సంచ‌ల‌న వ్యాఖ్య‌లు చేస్తూ ట్వీట్లు చేశార‌ని తెలుస్తోంది. తాను ఈ సారి రంగంలోకి దిగితే ప‌వ‌న్ క‌ల్యాణ్ ఏకంగా రాజ‌కీయ స‌న్యాసం తీసుకునే ప‌రిస్థితి దాపురిస్తుంది అంటూ క‌త్తి మ‌హేశ్ సంచ‌ల‌న వ్యాఖ్య‌లే చేశారు. ఈ వ్యాఖ్య‌లు ఇప్పుడు సోష‌ల్ మీడియాలో వైర‌ల్‌ గానే మారిపోయాయ‌ని చెప్ప‌క త‌ప్ప‌దు. అయినా ఆ ట్వీట్ల‌లో ప‌వ‌న్ ఫ్యాన్స్ కు క‌త్తి మ‌హేశ్ ఏం వార్నింగ్ ఇచ్చాన్న విష‌యానికి వ‌స్తే... *మళ్లీ పవన్ కల్యాణ్ ఫ్యాన్స్ ఉన్మాదాలు పెరిగిపోతున్నాయి. ఈసారి నేను బయటకు వచ్చానంటే మీ పవర్ స్టార్ రాజకీయ సన్యాసం తీసుకునే పరిస్థితి వస్తుంది. న్ను మళ్లీ మళ్లీ కెలక్కండి. జనసేన పార్టీ.. దాని లీడర్స్‌కి నేను వార్నింగ్ ఇస్తున్నా. నాతో పెట్టుకోవద్దని మీ ఫ్యాన్స్‌ తో చెప్పండి* అంటూ క‌త్తి మ‌హేశ్ ఓ రేంజిలో ఫైరైపోయారు.