జానా - ఉత్త‌మ్‌ కు కేసీఆర్ స‌ర్‌ ప్రైజ్ గిఫ్ట్‌

స‌మ‌కాలిన‌ రాజ‌కీయ నేత‌ల్లో టీఆర్ ఎస్ అధినేత‌ - తెలంగాణ ముఖ్య‌మంత్రి కేసీఆర్‌ ది భిన్న‌మైన శైలి. త‌న‌దైన శైలిలో రాజ‌కీయాలు చేసే కేసీఆర్ స్వ‌రాష్ట్ర సాధ‌న‌లో విజ‌యం సాధించారు. ముఖ్య‌మంత్రిగా సైతం ఆయ‌న ప‌రిపాల‌న‌ తీరు భిన్నం. అంచ‌నాల‌కు చిక్క‌ని రీతిలో వ్య‌వ‌హ‌రించే కేసీఆర్ తాజాగా ఇద్ద‌రు కాంగ్రెస్‌ నేతలకు ఏక‌కాలంలో స‌ర్‌ ప్రైజ్ గిఫ్ట్ ఇచ్చారు. ఆ ఇద్ద‌రు నేత‌లే సీఎల్పీ నేత జానారెడ్డి - పీసీసీ అధ్య‌క్షుడు ఉత్తమ్‌ కుమార్‌ రెడ్డి.

సీనియ‌ర్ నేత అయిన జానారెడ్డిది - పీసీసీ ర‌థ‌సార‌థి ఉత్త‌మ్ కుమార్ రెడ్డి పుట్టిన రోజు ఇవాళ‌. ఈ సంద‌ర్భంగా సీఎం కేసీఆర్‌ జన్మదిన శుభాకాంక్షలు తెలిపారు. జన్మదిన సందేశంతో పాటు ఇద్దరికి తెలంగాణ సీఎం కేసీఆర్‌ పుష్పగుచ్చాలు పంపారు. త‌న‌కు జ‌న్మ‌దిన శుభాకాంక్ష‌లు తెలిపిన‌ సంద‌ర్భంగా సీఎం కేసీఆర్‌ కు జానారెడ్డి ఫోన్‌ చేసి ధన్యవాదాలు తెలిపారు. త‌న మాట‌ల‌తో ఎంత‌టి వారినైనా అంగీక‌రింప‌చేసే సామ‌ర్థ్యం క‌లిగిన కేసీఆర్ తాజాగా పుట్టిన రోజు శుభాకాంక్ష‌ల‌తో కాంగ్రెస్ నాయ‌కుల‌కు ఊహించ‌ని గిఫ్ట్ ఇచ్చార‌ని ప‌లువురు వ్యాఖ్యానిస్తున్నారు.

Like Us on Facebook : https://www.facebook.com/Tupakidotcom/