Begin typing your search above and press return to search.
హైదరాబాద్ బందే..జిల్లాల్లో ఫ్రీ..కేసీఆర్ ప్లాన్ ఇదేనట?
By: Tupaki Desk | 5 May 2020 5:00 AM GMT
లాక్డౌన్ పొడిగించడంపై నిర్ణయం తీసుకోవటానికి తెలంగాణ రాష్ట్ర మంత్రివర్గం ఈరోజు కీలక సమావేశం నిర్వహిస్తోంది. పక్కనున్న ఏపీలో ఇప్పటికే సడలింపుల ప్రక్రియ కేంద్రం ఆదేశానుసారం నిన్నటి నుంచి మొదలైంది. దీంతో తెలంగాణ లో ఇప్పుడు సడలింపులు ఇస్తారా లేదా అనే ఉత్కంఠ నెలకొంది. అయితే కీలకమైన ఈ సమావేశానికి ముందు కరోనా తీవ్రత ఎక్కువగా ఉన్న హైదరాబాద్, దాని చుట్టుపక్కల ఉన్న మూడు జిల్లాల్లో ఎటువంటి సడలింపులు ఇవ్వవద్దని ముఖ్యమంత్రి కె. చంద్రశేఖర్ రావుకు రాష్ట్ర ఆరోగ్య అధికారులు సోమవారం నివేదిక అందించడం గమనార్హం. ఈ మూడు జిల్లాల్లోనే కరోనా పాజిటివ్ కేసులు.. మరణాలు అత్యధికం అని అందుకే ఇక్కడ లాక్ డౌన్ ఎత్తివేయవద్దంటూ నివేదించారు..
సోమవారం నిర్వహించిన సమీక్ష సమావేశంలో హైదరాబాద్, రంగారెడ్డి, మెడ్చల్ మరియు వికారాబాద్ జిల్లాల్లో లాక్డౌన్ మరింత కఠినతరం చేయాల్సిన అవసరం ఉందని అధికారులు సూచించారు.ఇతర జిల్లాల్లో కేసులు తగ్గాయని, కంటైనర్ జోన్ల సంఖ్యను కూడా తగ్గించామని వారు కేసీఆర్ కు సమాచారం ఇచ్చారు.
కేసీఆర్ సోమవారం కరోనావైరస్ వ్యాప్తి - లాక్డౌన్ అమలుపై ఎనిమిది గంటల సుదీర్ఘ సమీక్షా సమావేశం నిర్వహించారు. ఈ సమావేశంలో వైద్య - ఆరోగ్య శాఖ మంత్రి ఇ.రాజేందర్ - ప్రధాన కార్యదర్శి సోమేష్ కుమార్ - డిజిపి మహేందర్ రెడ్డి - ఇతర ముఖ్య సీనియర్ అధికారులు పాల్గొన్నారు. తెలంగాణ లో సోమవారం కేవలం మూడు కరోనా పాజిటివ్ కేసులు మాత్రమే నమోదయ్యాయని, 40 మంది రోగులు డిశ్చార్జ్ కావడం మంచి శకునమని సీఎం వ్యాఖ్యానించారు. ఇప్పటివరకు 1,085 మందికి వైరస్ సోకిందని, వారిలో 585 మంది కోలుకొని ఆసుపత్రుల నుంచి డిశ్చార్జ్ అయ్యారని, 29 మంది మరణించారని అధికారులు ఆయన ముఖ్యమంత్రికి నివేదిక సమర్పించారు. ప్రస్తుతం మొత్తం 471 మంది రోగులు చికిత్సలో ఉన్నారు.
హైదరాబాద్, రంగారెడ్డి, మరియు మెడ్చల్ మరియు వికారాబాద్ జిల్లాల్లో వైరస్ వ్యాప్తి ఎక్కువగా ఉంది. మొత్తం 1,085 పాజిటివ్ కేసులలో 717 (66.08 శాతం) ఈ నాలుగు జిల్లాలకు చెందినవి. మరణించిన వారిలో 82.21 శాతం మంది హైదరాబాద్ - చుట్టుపక్కల మూడు జిల్లాలకు చెందినవారు. గత 10 రోజులుగా, ఈ జిల్లాల నుండి అత్యధిక కేసులు నమోదయ్యాయి. ఈ జిల్లాల్లో పరిస్థితి ఏమాత్రం మంచిది కాదు. అందువల్ల, దయచేసి ఈ నాలుగు జిల్లాల్లో ఎటువంటి సడలింపులు ఇవ్వవద్దు. లాక్డౌన్ కొనసాగించండి, అవసరమైతే, మరింత కఠినంగా ఉండండి. ఇతర జిల్లాల్లో పరిస్థితి మెరుగుపడింది. కంటైన్మెంట్ జోన్ల సంఖ్య కూడా అక్కడ తగ్గింది. ఆ జిల్లాల్లో రెడ్ జోన్లు ఆరెంజ్ జోన్లు గా, ఆరెంజ్ జోన్లు గ్రీన్ జోన్లుగా మారుతున్నాయని వైద్య, ఆరోగ్య శాఖ సమర్పించిన నివేదికలో పేర్కొన్నట్టు తెలిసింది.
మంగళవారం తెలంగాణ కేబినెట్ నివేదికపై సుదీర్ఘంగా చర్చించి, లాక్డౌన్ పరిస్థితులను కొనసాగించాలా వద్దా అని నిర్ణయిస్తుంది. పక్క రాష్ట్రాల్లో మినహాయింపుల దృష్ట్యా ఎటువంటి నిర్ణయం తీసుకుంటారన్నది ఆసక్తిగా మారింది. అయితే హైదరాబాద్ చుట్టుపక్కల మినహాయించి తెలంగాణలోని కరోనా లేని జిల్లాలో కొంత సడలింపులు ఇవ్వాలని కేసీఆర్ యోచిస్తున్నట్టు తెలిసింది. కరోనావైరస్ వ్యాప్తి ఎక్కువగా ఉన్న జిల్లాల్లో మాత్రం మరింత కఠినంగా లాక్ డౌన్ అమలు చేయనున్నారు.
సోమవారం నిర్వహించిన సమీక్ష సమావేశంలో హైదరాబాద్, రంగారెడ్డి, మెడ్చల్ మరియు వికారాబాద్ జిల్లాల్లో లాక్డౌన్ మరింత కఠినతరం చేయాల్సిన అవసరం ఉందని అధికారులు సూచించారు.ఇతర జిల్లాల్లో కేసులు తగ్గాయని, కంటైనర్ జోన్ల సంఖ్యను కూడా తగ్గించామని వారు కేసీఆర్ కు సమాచారం ఇచ్చారు.
కేసీఆర్ సోమవారం కరోనావైరస్ వ్యాప్తి - లాక్డౌన్ అమలుపై ఎనిమిది గంటల సుదీర్ఘ సమీక్షా సమావేశం నిర్వహించారు. ఈ సమావేశంలో వైద్య - ఆరోగ్య శాఖ మంత్రి ఇ.రాజేందర్ - ప్రధాన కార్యదర్శి సోమేష్ కుమార్ - డిజిపి మహేందర్ రెడ్డి - ఇతర ముఖ్య సీనియర్ అధికారులు పాల్గొన్నారు. తెలంగాణ లో సోమవారం కేవలం మూడు కరోనా పాజిటివ్ కేసులు మాత్రమే నమోదయ్యాయని, 40 మంది రోగులు డిశ్చార్జ్ కావడం మంచి శకునమని సీఎం వ్యాఖ్యానించారు. ఇప్పటివరకు 1,085 మందికి వైరస్ సోకిందని, వారిలో 585 మంది కోలుకొని ఆసుపత్రుల నుంచి డిశ్చార్జ్ అయ్యారని, 29 మంది మరణించారని అధికారులు ఆయన ముఖ్యమంత్రికి నివేదిక సమర్పించారు. ప్రస్తుతం మొత్తం 471 మంది రోగులు చికిత్సలో ఉన్నారు.
హైదరాబాద్, రంగారెడ్డి, మరియు మెడ్చల్ మరియు వికారాబాద్ జిల్లాల్లో వైరస్ వ్యాప్తి ఎక్కువగా ఉంది. మొత్తం 1,085 పాజిటివ్ కేసులలో 717 (66.08 శాతం) ఈ నాలుగు జిల్లాలకు చెందినవి. మరణించిన వారిలో 82.21 శాతం మంది హైదరాబాద్ - చుట్టుపక్కల మూడు జిల్లాలకు చెందినవారు. గత 10 రోజులుగా, ఈ జిల్లాల నుండి అత్యధిక కేసులు నమోదయ్యాయి. ఈ జిల్లాల్లో పరిస్థితి ఏమాత్రం మంచిది కాదు. అందువల్ల, దయచేసి ఈ నాలుగు జిల్లాల్లో ఎటువంటి సడలింపులు ఇవ్వవద్దు. లాక్డౌన్ కొనసాగించండి, అవసరమైతే, మరింత కఠినంగా ఉండండి. ఇతర జిల్లాల్లో పరిస్థితి మెరుగుపడింది. కంటైన్మెంట్ జోన్ల సంఖ్య కూడా అక్కడ తగ్గింది. ఆ జిల్లాల్లో రెడ్ జోన్లు ఆరెంజ్ జోన్లు గా, ఆరెంజ్ జోన్లు గ్రీన్ జోన్లుగా మారుతున్నాయని వైద్య, ఆరోగ్య శాఖ సమర్పించిన నివేదికలో పేర్కొన్నట్టు తెలిసింది.
మంగళవారం తెలంగాణ కేబినెట్ నివేదికపై సుదీర్ఘంగా చర్చించి, లాక్డౌన్ పరిస్థితులను కొనసాగించాలా వద్దా అని నిర్ణయిస్తుంది. పక్క రాష్ట్రాల్లో మినహాయింపుల దృష్ట్యా ఎటువంటి నిర్ణయం తీసుకుంటారన్నది ఆసక్తిగా మారింది. అయితే హైదరాబాద్ చుట్టుపక్కల మినహాయించి తెలంగాణలోని కరోనా లేని జిల్లాలో కొంత సడలింపులు ఇవ్వాలని కేసీఆర్ యోచిస్తున్నట్టు తెలిసింది. కరోనావైరస్ వ్యాప్తి ఎక్కువగా ఉన్న జిల్లాల్లో మాత్రం మరింత కఠినంగా లాక్ డౌన్ అమలు చేయనున్నారు.
