తాజా విజయంతో కేసీఆర్‌ నుంచి మరో కోటి?

టెన్నిస్‌ సంచలనం సానియామీర్జా మరోసారి వార్తల్లోకి ఎక్కారు. వింబుల్డన్‌ లాంటి ప్రతిష్ఠాత్మక టోర్నీలో భారత్‌ కీర్తి పతకాన్ని సగర్వంగా ఎగురవేయటంతో పాటు.. భారతీయులు చిరస్థాయిగా చెప్పుకునే అద్భుతాన్ని సాధించారు. మహిళల డబుల్స్‌ విభాగంలో మార్టిన్‌ హింగిస్‌తో జత కట్టిన సానియామీర్జా వింబుల్డన్‌ డబుల్స్‌ ట్రోఫీని సొంతం చేసుకున్నారు.

తెలంగాణ రాష్ట్ర బ్రాండ్‌ అంబాసిడర్‌గా వ్యవహరిస్తున్న సానియామీర్జా.. గతంలో ఏదైనా ట్రోఫీ గెలుచుకుంటే తెలంగాణ ముఖ్యమంత్రి కోటి రూపాయిల బహుమతి ప్రకటించేవారు. ఈ విధంగా ఆయన ఇప్పటికే రెండుసార్లు ప్రకటించారు.

తాజాగా ప్రతిష్ఠాత్మకమైన వింబుల్డన్‌ ట్రోఫీని గెలిచిన నేపథ్యంలో.. వరాలు ప్రకటించటంలోఉదారంగా వ్యవహరించే తెలంగాణ ముఖ్యమంత్రి మరోసారి సానియామద వరాలజల్లు ప్రకటిస్తారా అన్నది ఆసక్తికరంగా మారింది. మిగిలిన ట్రోఫీలుగెలిచినప్పుడు ప్రకటించినట్లే మరో కోటి రూపాయిలు ప్రకటిస్తారా? లేదా.. వింబుల్డన్‌ లాంటి ప్రతిష్ఠాత్మకమైన ట్రోఫిని సొంతం చేసుకున్న నేపథ్యంలో మరింత భారీ నజరానాను ప్రకటిస్తారా అన్నది చూడాలి.