కిషన్ రెడ్డి - లక్ష్మణ్ ల రహస్యభేటి? అసలు కథేంటి?

తెలంగాణ బీజేపీకి ఇప్పుడు వారిద్దరూ కర్త కర్మ క్రియలు.. రెండు దఫాలుగా కిషన్ రెడ్డి, లక్ష్మన్ ల చేతుల్లోనే బీజేపీ తెలంగాణ రాష్ట్ర పగ్గాలున్నాయి. వీరిద్దరూ కాకుండా వేరే వ్యక్తికి ఆ చాన్స్ దక్కలేదు. చాలా మంది ఉన్నా వారికి గుర్తింపు రావడం లేదు. ఇప్పుడు బయట పార్టీల నుంచి పెద్ద ఎత్తున దిగ్గజ నేతలుచేరినా వారికి గుర్తింపు దక్కడం లేదు.

అయితే కిషన్ రెడ్డి అనూహ్యంగా కేంద్రంలోని పెద్దల దోస్తీతో ఎంపీ టికెట్ తెచ్చుకొని కేంద్రమంత్రి అయ్యారు. ఆయన ఫ్రెండ్ అయిన లక్ష్మణ్ తెలంగాణ అసెంబ్లీ ఎన్నికల్లో ఘోర ఓటమితో మాత్రం తెలంగాణ బీజేపీ పగ్గాలు కోల్పోయే ప్రమాదంలో పడ్డారు.

అయితే ఏమైందో ఏమో కానీ.. తాజాగా కిషన్ రెడ్డి, లక్ష్మణ్ ల రహస్య భేటిలు బీజేపీ పార్టీలో చర్చనీయాంశంగా మారింది. మిగతా బీజేపీ నేతలకు నిద్రలేకుండా చేస్తోందట.. గతవారం లక్ష్మణ్ ఇంట్లో ఈ రహస్య భేటి జరిగిందట.. తాజాగా హైదరాబాద్లోని లక్డీకపూల్ ఏరియాలోని అబోడ్ హోటల్ లో గురువారం ఉదయం మరోసారి సమావేశమయ్యారట.. ఈ భేటికి మోత్కుపల్లి కూడూ హాజరుకావడం చర్చనీయాంశంగా మారిందట..

మున్సిపల్ ఎన్నికలపై చర్చించారని పైకి కిషన్ రెడ్డి చెబుతున్నా.. దీనివెనుక వేరే పెద్ద కథ ఏదో ఉందని కమలనాథులు అనుమాన పడుతున్నారట.. మున్సిపల్ ఎన్నికల్లో టీఆర్ఎస్ లో టికెట్లు దక్కని వారిని చేర్చుకొని ఇవ్వాలన్నది.. గెలవాలన్నది ప్లాన్ అని కొందరు అంటుండగా.. ఇంకేదో దాస్తున్నారని మరికొందరు అంటున్నారు. మరి ఏంటన్నది తేలాల్సి ఉంది.