అజ్ఞాతంలోకి వెళ్లిపోయిన కోడెల సంతానం!

గ‌డిచిన కొద్ది రోజులుగా రెండు తెలుగు రాష్ట్రాల్లో సంచ‌ల‌నం సృష్టిస్తున్న కోడెల సంతానం కే ట్యాక్స్ వ్య‌వ‌హారం మ‌రో మ‌లుపు తిరిగింది. పెద్ద ఎత్తున ఆరోప‌ణ‌లు ఎదుర్కొంటున్న కోడెల కుమారుడు శివ‌రామ్‌.. కుమార్తె విజ‌య‌ల‌క్ష్మిలు ఎవ‌రికి అందుబాటులోకి లేకుండా పోయిన వైనం ఇప్పుడు ఆస‌క్తిక‌రంగా మారింది.

గుంటూరు జిల్లా న‌ర‌స‌రావుపేట ప‌ట్ట‌ణంలో కే ట్యాక్స్ (కోడెల ప‌న్ను) వ‌సూలు చేశార‌ని.. వారి దందాల చిట్టా ఊహించ‌నంత పెద్ద‌దిగా ఉందన్న మాట బ‌లంగా వినిపిస్తోంది. ఇప్ప‌టికే కోడెల ఫ్యామిలీపై వ‌చ్చిన విమ‌ర్శ‌లు.. ఆరోప‌ణ‌లు సంచ‌ల‌నం సృష్టిస్తున్నాయి. కోడెల కుమారుడు.. కుమార్తెపైన వ‌చ్చిన ఫిర్యాదుల్లో ప‌లు అంశాల మీద పోలీసులు కేసులు క‌ట్టిన ప‌రిస్థితి.

ప‌లువురు చేసిన ఫిర్యాదుల నేప‌థ్యంలో కోడెల సంతానాన్ని విచారించేందుకు పోలీసులు వారి ఇళ్ల‌కు ఫోన్లు చేసినా స్పంద‌న లేని ప‌రిస్థితి. త‌మ‌ను బెదిరించి సొమ్ములు వ‌సూలు చేసిన తీరును ప్ర‌శ్నిస్తున్న వారి తీరుకు ద‌డిసి.. వారిప్పుడు ఊరి నుంచి వెళ్లిపోయిన‌ట్లుగా చెబుతున్నారు.

అండ‌ర్ గ్రౌండ్ లోకి వెళ్లిన‌ట్లుగా ప్ర‌చారం జ‌రుగుతున్న తీరుతో పోలీసులు అలెర్ట్ అయ్యారు. వారి ఆచూకీ కోసం ప్ర‌య‌త్నిస్తున్నారు. ఇదిలా ఉంటే.. త‌మ కుటుంబంపై కావాల‌నే దుష్ప్ర‌చారం చేస్తున్నార‌ని.. త‌గిన ఆధారాలు చూపించాల‌ని కోడెల నిన్న మీడియాతో మాట్లాడ‌టం గ‌మ‌నార్హం. ఆయ‌న మాట్లాడిన త‌ర్వాత‌.. ఆయ‌న కుమారుడు.. కుమార్తె క‌నిపించ‌కుండా పోవ‌టం ఏమిటి? అన్న‌ది ఇప్పుడు ప్ర‌శ్న‌గా మారింది.