జ‌గ‌న్ పై కోమ‌టిరెడ్డి సంచ‌ల‌న వ్యాఖ్య‌లు!

ఏపీలో రికార్డు విజ‌యాన్ని సొంతం చేసుకున్న వైఎస్ జ‌గ‌న్మోహ‌న్ రెడ్డిపై తెలంగాణ‌లోనూ సానుకూల వ్యాఖ్య‌లు వినిపిస్తున్నాయి. ఆయ‌న విజ‌యాన్ని ప‌లువురు సంతోషానికి గురి అవుతున్నారు. సామాన్యుల సంగ‌తి ఎలా ఉన్నా.. వివిధ పార్టీల‌కు చెందిన నేత‌లు జ‌గ‌న్ సాధించిన విజ‌యం ప‌ట్ల ఆస‌క్తిక‌ర వ్యాఖ్య‌లు చేస్తున్నారు.

తాజాగా కాంగ్రెస్ సీనియ‌ర్ నేత‌.. న‌ల్గొండ ఎంపీగా విజ‌యం సాధించిన కోమ‌టిరెడ్డి వెంక‌ట‌రెడ్డి తాజాగా జ‌గ‌న్ పై సంచ‌ల‌న వ్యాఖ్య‌లు చేశారు. జ‌గ‌న్ ప‌దేళ్లుగా చాలా క‌ష్ట‌ప‌డ్డార‌ని.. ఈ విజ‌యం జ‌గ‌న్ ప‌దేళ్ల కృషి ఫ‌లితంగా ఆయ‌న కొనియాడారు. జ‌గ‌న్ తండ్రి.. దివంగ‌త మ‌హానేత వైఎస్ రాజ‌శేఖ‌ర్ రెడ్డిని గుర్తుకు తెచ్చుకున్న కోమ‌టిరెడ్డి.. వైఎస్సార్ ఎప్పుడూ ప్ర‌జ‌ల్లో ఉండేవార‌న్నారు.

తండ్రికి త‌గ్గ‌ట్లే జ‌గ‌న్ కూడా నిత్యం ప్ర‌జ‌ల‌తో ఉంటార‌న్నారు. వైఎస్ ఒకడుగు ముందుకేస్తే.. జ‌గ‌న్ రెండు అడుగులు ముందుకేస్తార‌న్నారు. తాను తెలంగాణ‌లో ఎంపీగా గెల‌వ‌టం.. అటు ఏపీలో జ‌గ‌న్ సీఎం కావ‌టం త‌న‌కెంతో సంతోషాన్ని క‌లిగిస్తుంద‌న్నారు. తాను నీతిగా ప‌ని చేశాను కాబ‌ట్టే ప్ర‌జ‌లు త‌న‌కు ప‌ట్టం క‌ట్టార‌న్నారు. జ‌గ‌న్ చేసిన క‌ష్ట‌మే ఆయ‌న‌కు భారీ ప్ర‌జాద‌ర‌ణ పొందేలా చేసింద‌న్నారు.