తెలంగాణ స్టార్లుగా కేటీఆర్, కవిత

తెలంగాణలో మోస్ట్ బిజీ సెలబ్రిటీలు ఎవరన్న ప్రశ్న వస్తే దానికి సమాధానంగా రెండు పేర్లు వినిపిస్తాయి. అది అన్నాచెల్లెళ్లు కల్వకుంట్ల తారకరామారావు(కేటీఆర్) - కవితల పేర్లు. తెలంగాణలో ఆ ఇద్దరే మోస్ట్ బిజీ సెలబ్రిటీలట. నిజానికి ఇద్దరూ రాజకీయంగా బిజీగా ఉన్నప్పటికీ ఇతర కార్యక్రమాల్లోనూ అంతేస్థాయిలో పాల్గొంటున్నారు. తెలంగాణలో ఐటీ శాఖ మంత్రిగా కేటీఆర్ నిత్యం బిజీగా ఉంటుండగా కవిత కూడా ఎంపీగా తన స్థాయిలో తాను బిజీ మనిషే. అయినప్పటికీ నగరంలో ఎవరు ఏ కార్యక్రమానికి పిలిచినా... ప్రారంభోత్సవాలు - సభలు - సమావేశాలు దేనికైనా కూడా కాదనకుండా హాజరై అక్కడ సెంటర్ ఆఫ్ అట్రాక్షన్ గా నిలుస్తున్నారు.

నిజామాబాద్ ఎంపీ అయిన కవిత తన నియోజకవర్గ పనులు, పార్టీల పనులతో తీరిక లేకుండా ఉంటారు. అయినా కూడా ఆమె తరచూ సినిమా - కళలు - సాంస్కృతిక రంగాలకు సంబంధించిన కార్యక్రమాల్లో పాల్గొంటున్నారు. తాజాగా ఆమె స్టార్ హీరో మహేశ్ బాబు సతీమణి - మాజీ హీరోయిన్ నమ్రత శిరోద్కర్ తో కలిసి రెయిన్ బో హాస్సిటల్ కు సంబంధించిన కార్యక్రమంలో పాల్గొన్నారు. అలాగే ఓ సినీ నిర్మాతకు చెందిన రెస్టారెంట్ ను కూడా ప్రారంభించారు. ఇలా నిత్యం రెండు మూడు కార్యక్రమాల్లో పాల్గొంటూ ఆమె నిత్యం పేజీ 3 ప్రొఫైల్ గా మారిపోయారు.

మరోవైపు కేటీఆర్ కూడా ఫుల్లు బిజీనే. సాఫ్టు వేర్ బ్యాక్ గ్రౌండ్ ఉన్న సమాజానికి సంబంధించిన కార్యక్రమాలే కాకుండా పలు ఇతర కార్యక్రమాల్లోనూ ఆయన తరచూ కనిపిస్తున్నాయి. రీసెంటుగా బాగా పాపులర్ అయిన సెన్సేషనల్ ఇంటర్నేషనల్ డ్యాన్స్ ఈవెంట్ లో ఆయన సెంటర్ ఆఫ్ అట్రాక్షన్ గా నిలిచారు. సినీ నటులు రానా - అఖిల్ - బన్నీ - వెంకటేశ్ - రకుల్ ప్రీత్ సింగ్ తదితరులు హాజరైన ఈ కార్యక్రమంలో వారందరి మధ్య కేటీఆర్ ప్రత్యేకంగా కనిపించారు. అంతేకాదు... హైదరాబాద్ - ముంబయిలోనూ ఆయన పలు సినీ కార్యక్రామల్లోనూ పాల్గొంటున్నారు. మొత్తానికి ఇద్దరూ తెలంగాణ స్టార్లుగా మారిపోయారనడంలో ఎలాంటి సందేహం లేదు.