ఫొటో టాక్‌ : కరోనాపై యుద్దం చేస్తున్న కేటీఆర్‌ టీం ఇదే

కరోనా కేసులు విపరీతంగా పెరుగుతున్న ఈ సమయంలో మంత్రి కేటీఆర్‌ చాలా క్రియాశీలకంగా ఉంటున్నారు. ఫీల్డ్‌ లో తిరుగుతూ పరిస్థితులను చక్కదిద్దేందుకు ప్రయత్నాలు చేయడంతో పాటు ట్విట్టర్‌ లో తనకు వస్తున్న రిక్వెస్ట్‌ లపై ఎప్పటికప్పుడు స్పందిస్తూ అవసరం ఉన్న వారికి.. సాయం కావాల్సిన వారికి తాను ఉన్నాను అంటూ భరోసా కలిగిస్తున్నాడు. ఇటీవల కేటీఆర్‌ ప్రత్యేకంగా కేటీఆర్‌ ఆఫీస్‌ అంటూ ఒక ట్విట్టర్‌ అకౌంట్‌ ను ఓపెన్‌ చేసి తనను సాయం అడిగిన వారిని కేటీఆర్‌ ఆఫీస్‌ అకౌంట్‌ కు ట్యాగ్‌ చేసి వారి వివరాలను కనుక్కోవాల్సిందిగా సూచిస్తున్నారు.

ఎవరికైతే సాయం అవసరం ఉంటుందో కేటీఆర్‌ ఆదేశంతో కేటీఆర్‌ ఆఫీస్‌ కు చెందిన టీం వారిని సంప్రదించడం జరుగుతుంది. వారికి కావాల్సిన సాయం కోసం అధికారులతో మాట్లాడటం లేదంటే ఇతరత్ర చర్యలకు సిద్దం అవుతున్నారు. ప్రస్తుతం సోషల్‌ మీడియాలో కేటీఆర్‌ ఆఫీస్‌ అకౌంట్‌ వైరల్‌ అవుతుంది. కేటీఆర్‌ ఆఫీస్‌ కు చేరిన సమస్యలు గంటల వ్యవధిలోనే పరిష్కరించబడుతున్నాయి అంటున్నారు.

కేటీఆర్‌ ఆఫీస్‌ పరిష్కరించిన సమస్యలు.. ఆదుకున్న వారి సంఖ్య వందల్లో ఉందనడంలో ఎలాంటి సందేహం లేదు. ఈ సమయంలో కేటీఆర్‌ ఆఫీస్‌ టీం ఫొటో ఇది బయటకు వచ్చింది. కరోనాతో కష్టాల్లో ఉన్న వారికి సాయంగా నిలుస్తున్న కేటీఆర్‌ ఆఫీస్‌ టీం ను ప్రతి ఒక్కరు అభినందిస్తున్నారు. 24/7 కేటీఆర్‌ ఆఫీస్‌ టీం వర్క్‌ చేస్తున్నారని ఎల్లప్పుడు ఏ సాయం కావాలన్నా కూడా కేటీఆర్‌ ఆఫీస్‌ టీంను సంప్రదించవచ్చు అంటూ స్వయంగా కేటీఆర్‌ ఇటీవల పేర్కొన్నారు. సైనికుల మాదిరిగా కేటీఆర్‌ టీం పని చేయడం నిజంగా అభినందనీయం అంటూ నెటిజన్స్‌ ప్రశంసలు కురిపిస్తున్నారు.