నడిరోడ్డుపై విద్యార్థుల లిప్ లాక్ ఛాలెంజ్.. కాలేజీ విద్యార్థుల రచ్చ

ఐస్ బకెట్ ఛాలెంజ్.. రైస్ ఛాలెంజ్.. ఆ ఛాలెంజ్.. ఈ ఛాలెంజ్ అంటూ సోషల్ మీడియాలో యువత చేసే హంగామా అంతా ఇంతా కాదు.. బహిరంగ ప్రదేశాల్లో ఈ ఛాలెంజ్ లు చేసి కాక రేపుతుంటారు.

తాజాగా ఓ ప్రముఖ కాలేజీ విద్యార్థులు.. యువతీ యువకులు నడిరోడ్డుపై పోటీపడి ముద్దులు పెట్టుకోగా.. మిగిలిన వారు చుట్టూ చేరి కేరింతలు కొడుతూ వారిని ‘ఎంకరేజ్ ’ చేశారు. చివరకు పోలీసులు ఏం చేశారో తెలిస్తే అవాక్కవ్వాల్సిందే..

‘లిప్ లాక్ ఛాలెంజ్’ పేరిట ఓ ప్రముఖ కళాశాల విద్యార్థులు నడిరోడ్డుపై చేసిన రభస.. కర్ణాటక మంగళూరులో చర్చనీయాంశమైంది. యువతీ యువకులు పోటీపడి ముద్దులు పెట్టుకుంటున్న వీడియో వైరల్ అయ్యింది. పోలీసులు రంగంలోకి దిగి ఒక విద్యార్థిని అరెస్ట్ చేశారు.

ముద్దుల సవాళ్లు ఇప్పుడు హాట్ టాపిక్ గా మారింది. వీడియోలో కనిపించిన వారంతా మంగళూరులోని ప్రముఖ కళాశాల విద్యార్థులు, యూనిఫాం ధరించిన వారంతా నగరంలోని ఓ రహదారిపై గుమిగూడారు. ఓ ఇంటి ముందు చేరి నానా రభస చేశారు. అబ్బాయి, అమ్మాయి పోటీపడి ముద్దులు పెట్టుకోగా.. మిగిలిన విద్యార్థులు చుట్టూ చేరి కేరింతలు కొట్టారు.

‘దమ్ముంటే మీరు కూడా ఇలా చేయండి’ అంటూ తోటి విద్యార్థులకు సవాల్ విసిరారు. లిప్ లాక్ ఛాలెంజ్ పేరిట చేసిన ఈ రచ్చతో ఆ కాలనీవాసులు తీవ్ర ఇబ్బంది పడ్డారు. అక్కడున్న ఓ ఇంట్లోని వ్యక్తి ఇదంతా వీడియో తీసి సోషల్ మీడియాలో పోస్ట్ చేశారు.

అతి తక్కువ సమయంలోనే వైరల్ అయిన ఈ దృశ్యాలు.. దక్షిణ కన్నడ జిల్లా వ్యాప్తంగా దుమారం రేపాయి. వెంటనే పోలీసులు రంగంలోకి దిగారు. వీడియోలో ముద్దులు పెడుతూ కనిపించిన ఓ విద్యార్థిని అరెస్ట్ చేశారు. ఆ సమయంలో అక్కడున్న వారు డ్రగ్స్ సేవించి ఉన్నారా? అనే కోణంలోనూ పోలీసులు దర్యాప్తు చేస్తున్నారు.