మలింగ నగ్న ఫొటో వైరల్.. జయవర్ధనె కౌంటర్

ప్రపంచకప్ లోనే బలమైన జట్టు ఇంగ్లండ్. పైగా ఆదేశంలోనే ప్రపంచకప్ పోటీలు జరుగుతున్నాయి. ఆడిన మూడుమ్యాచ్ ల్లో 370కు పైగా స్కోర్లు చేసిన బీకర బ్యాట్స్ మెన్ ఇంగ్లండ్ కు ఉన్నారు. కానీ శ్రీలంక నిర్ధేశించిన కేవలం 232 పరుగులను చేయలేక ఇంగ్లండ్ ఓడిపోయింది. ప్రపంచకప్ లోనే శ్రీలంక సంచలన విజయం సాధించింది.

అయితే ఇంగ్లండ్ ఓటమిలో.. శ్రీలంక గెలుపులో మిస్టరీ బౌలర్ లసిత్ మాలింగ కీలక పాత్ర పోషించాడు. ఈ మ్యాచ్ లో అతడు అద్భుతమైన బౌలింగ్ ప్రదర్శనతో ఆకట్టుకున్నాడు. ఇక శ్రీలంక మాజీ కెప్టెన్ మహేల జయవర్ధనె కూడా ఇన్ స్టాగ్రామ్ ద్వారా మలింగ్ చొక్కా లేకుండా నగ్నంగా ఉన్న ఫొటోను పెట్టి హాట్ కామెంట్ చేశాడు. ‘చాలా బాగా బౌలింగ్ చేశావ్ మలింగ.. కొంత కాలంగా వైరల్ అవుతున్న నీ ఫొటోను ఫ్యాన్స్ తో పంచుకుంటున్నా.. ఇదే వారికి సమాధానం’ అని మలింగ ఫొటోను జయవర్ధనే షేర్ చేశాడు.

అయితే ఈ ఫొటోను అంతకుముందు కొందరు ట్రోల్ చేస్తూ మలింగ పని అయిపోయిందని.. లావెక్కి బొజ్జ వచ్చి ఇక మలింగ కెరీర్ ముగిసినట్టేనని చాలా విమర్శలు చేశారు. అతడి బౌలింగ్ లో కూడా పసలేదని.. వరల్డ్ కప్ కు అనవసరంగా సెలెక్ట్ చేశారని విమర్శించారు..

దీంతో అదే ఫొటోను షేర్ చేసిన మాజీ క్రికెట్ దిగ్గజం జయవర్ధెనే విమర్శకులకు గట్టి కౌంటర్ ఇచ్చాడు. ఆకారంలో కాదు.. ఆటను చూడాలని తన ఇన్ స్టాగ్రామ్ ద్వారా విమర్శకుల నోల్లు మూయించాడు.