మంచు మనోజ్ పోటీకి సై.. ఏపార్టీ నుంచి..

ఈ మధ్య రాజకీయ - సామాజిక అంశాలపై స్పందిస్తున్న హీరో మంచు మనోజ్ తాజాగా తన రాజకీయ అరంగేట్రంపై నోరువిప్పాడు. తనకు రాజకీయాల్లోకి రావాలని ఉందని.. తిరుపతి కేంద్రంగా ప్రజాసేవను ప్రారంభించి.. రాయలసీమ ప్రాంతమంతటికి విస్తరిస్తానని గత నెలలో లేఖ కూడా రాశాడు. తాజాగా ఓ అభిమాని ట్విట్టర్ లో మనోజ్ ను ఇదే విషయంపై ప్రశ్నించాడు. ‘నీ ప్లాన్ ఏంటి.? నీ స్కీం ఏంటి.? నీ గోల్ ఏంటి’ అని అడిగాడు..

దీనికి సమాధానం ఇచ్చిన మనోజ్.. ఓ ఖాళీ ప్రదేశాన్ని సుధీర్ఘంగా చూస్తున్న ఫొటోను పోస్టు చేసి దానికి రాసుకొచ్చాడు. ‘పేద విద్యార్థులు - రైతుల కోసం ఏదీ ఒకటి చేయాలనుకుంటున్నా.. నా కల ఈ ఖాళీ ప్రదేశం ద్వారా తీరబోతోంది’ అని పేర్కొన్నాడు.

అంతేకాదు.. తన కల ఇక్కడి నుంచే తీరబోతోందని హింట్ ఇచ్చాడు. తానున్న చోట ఉచిత ఆహారం - క్రీడా సౌకర్యాలు - మంచినీటి వసతి ఉండాలన్నదే తన లక్ష్యమని వివరించాడు. ఇలా రాజకీయ అరంగేట్రానికి తొలి అడుగు వేస్తున్న మంచు మనోజ్.. తాను ఏపార్టీ నుంచి పోటీకి దిగబోతున్నానే విషయాన్ని మాత్రం వెల్లడించలేదు.