నెల‌ల బిడ్డ‌కు ఈత నేర్పిస్తున్న ఫేస్‌ బుక్ చీఫ్‌

ప్ర‌పంచంలో అత్యంత ప్ర‌భావిత‌మైన వ్య‌క్తుల్లో ఒక‌రైన ఫేస్ బుక్ అధిప‌తి జుక‌ర్ బ‌ర్గ్ తాజాగా వార్త‌ల్లోకి వ‌చ్చారు. నిజానికి ఆయ‌న వార్త‌ల్లో లేని రోజంటూ ఉండ‌దు. కానీ.. ఈసారి ఆయ‌న చిత్ర‌మైన అంశంపై వార్త‌ల్లో నిలిచారు. ఈ మ‌ధ్య‌న తండ్రి అయిన జుక‌ర్ బ‌ర్గ్ త‌న నెల‌ల బిడ్డ‌కు అప్పుడే ఈత నేర్పిస్తున్నాడ‌ట‌. దీనికి సంబంధించిన ఫోటోను తాజాగా ఆయ‌న పోస్ట్ చేశాడు.

నెల‌ల నిండిన త‌న బిడ్డ‌కు ఈత నేర్పుతున్నాన‌ని.. త‌న బిడ్డ‌ను ఈత కొలను వ‌ద్ద‌కు తీసుకొస్తే తాను నీళ్ల‌లో త‌డ‌వ‌టానికి ఇష్ట‌ప‌డింద‌ని పేర్కొన్నాడు. త‌న కూతురు ఈత‌కు సంబంధించిన వివ‌రాల్ని వెల్ల‌డించ‌ట‌మే కాదు.. అందుకు సంబంధించిన ఫోటోను పోస్ట్ చేశారు. న‌డుము లోతున్న స్విమ్మింగ్ ఫూల్ లో ముద్దులొలికే బుజ్జి జుక‌ర్‌.. తండ్రి చేతుల్లో నిశ్చింత‌గా నీళ్ల‌ల్లో త‌డుస్తున్న ఫోటో ప‌లువుర్ని ఆక‌ర్షిస్తోంది. నెల‌లు కూడా నిండ‌ని కూతురికి ఈత నేర్పాల‌న్న జుక‌ర్ బ‌ర్గ్ ఉత్సాహం.. దానికి జూనియ‌ర్ రియాక్ట్ అవుతున్న తీరు ప‌లువురిని విప‌రీతంగా ఆక‌ట్టుకుంటోంది. ఈ ఫోటోను పోస్ట్ చేసిన కాసేప‌టికి 16 ల‌క్ష‌ల‌కు పైగా లైక్స్ రావ‌టమే ఇందుకు నిద‌ర్శ‌నంగా చెప్పొచ్చు.