ఎంజీ కొత్త కారు డిజైన్​ లీక్​.. ఫీచర్స్​ తెలిస్తే పిచ్చిక్కిపోతుంది..!

బ్రిటన్​కు చెందిన ప్రముఖ కార్ల కంపెనీ ఎంజీ ఓ అద్భుతమైన ఎలక్ట్రిక్​ కారును త్వరలో మార్కెట్​లోకి విడుదల చేయబోతున్నది. అయితే ఇందుకు సంబంధించిన ఫీచర్లు ముందే లీక్​ అయ్యాయి. ఈ ఫీచర్లు చూసి కార్ల ప్రియులు ఫిదా అయిపోతున్నారు. ఓ ఎలక్ట్రిక్​ కార్ లో ఇంత అద్భుతమైనా ఫీచర్లా అంటూ ఆశ్చర్యపోతున్నారు.ఎంజీ తీసుకొచ్చిన ఈ కొత్త కారులో 5 జీ కనెక్టివిటీ అందుబాటులో ఉంచారు. అంతేకాక ఈ కారును ఒక్కసారి చార్జ్​ చేస్తే .. దాదాపు 800 కిలోమీటర్ల ప్రయాణం చెయ్యొచ్చు. దీంతో కార్ల ప్రియులు ఫిదా అయిపోతున్నారు.

ఎంజీ కార్ల కంపెనీ తీసుకొచ్చిన కొత్త మోడల్​ పేరు ఎంజి సైబర్స్టర్ అతి తర్వలో దీన్ని లాంచ్​ చేయబోతున్నారు. ఇందుకు సంబంధించిన ఏర్పాట్లు కూడా చకా చకా జరిగిపోతున్నాయి.ఇదిలా ఉంటే .. ఈ కారుకు సంబంధించిన ఫీచర్లు ఆన్​ లైన్ ​లో లీక్​ అయ్యాయి. కంపెనీ ప్రతినిధులు కావాలనే లీక్​ చేశారా?.. ఎవరైనా ఉద్యోగులు దీన్ని బయటకు తీసుకొచ్చారా? తెలియదు. కారు ప్రమోషన్​ కోసం లీక్​ అంటూ మార్కెట్​ ట్రిక్స్​ ప్లే చేస్తున్నారని కొందరు అంటున్నారు.

ఆన్​లైన్​లో ఈ కారుకు సంబంధించిన పిక్స్​ కూడా బయటకు వచ్చాయి. ఈ చిత్రాలు కూడా అందరిని ఆకట్టుకుంటున్నాయి. ఈ కొత్త కారును ఎంతో ఆకర్షణీయంగా తయారుచేశారు. అచ్చం స్పోర్ట్స్ కారును తలపించేలా రూపొందించారు. ముందుకు వంగి ఉన్న లిప్ స్పాయిలర్ల మధ్య ఎంజి లోగో ఇచ్చారు. సైబర్‌ స్టర్‌ లో మ్యాజిక్ ఐ ఇంటరాక్టివ్ హెడ్‌లైట్లు ఏర్పాటు చేశారు. కారు వైపు లేజర్ బెల్ట్ ఎల్ఈడీ స్ట్రిప్ అమర్చారు.వాహనం వెనుక వైపు కాంబాక్ స్టైలింగ్ కూడా ఉంది. టైర్లు కూడా ఎంతో ధృడంగా ఉన్నాయి. సెంటర్ లాకింగ్ సిస్టమ్‌ తో ఈ కారును రూపొందించారు.

కాగా,ఈ కారు కేవలం 3 సెకన్లలో 100 కిలోమీటర్ల వేగాన్ని అందుకుంటుందట. ఇంటెలిజెంట్ ప్యూర్ ఎలక్ట్రిక్ ఆర్కిటెక్చర్ ఆధారంగా.. రూపొందించారు.వాహనంలో 5 జి కనెక్టివిటీ అందుబాటులో ఉంది.అయితే తొలిసారిగా గేమింగ్ కాక్‌ పింట్ ఈ కారు లోనే రూపొందించారు. ఈ కారును ముఖ్యంగా యువత ను దృష్టి లో ఉంచుకొని తీసుకొచ్చారు. కాగా దీని ధర ఎంత ? అన్న విషయం మాత్రం అందుబాటు లో లేదు. ప్రస్తుతం ఈ కారు కు సంబంధించిన పిక్స్​ వైరల్​ గా మారాయి.