జగన్ ఎంపీకి బెయిల్ ఇవ్వని కోర్టు

జగన్ బ్యాచ్ కి షాక్ తగిలింది. ప్రోటోకాల్ సరిగా పాటించలేదంటూ వైఎస్సార్ కాంగ్రెస్ పార్టీకి చెందిన రాజంపేట ఎంపీ మిథున్ రెడ్డి రేణిగుంట ఎయిర్ ఇండియా మేనేజర్ రాజశేఖర్ పై దాడి చేసిన సంగతి తెలిసిందే. ఈ ఘటన నేపథ్యంలో జగన్ ఎంపీని ఇటీవల అరెస్ట్ చేశారు. దీనిపై ఏపీ ప్రధాన ప్రతినిపక్షం తీవ్రంగా విమర్శలు చేసింది.

తాజాగా ఈ కేసుకు సంబంధించి ఎంపీ బెయిల్ అంశం తిరుపతి కోర్టు ముందుకు వచ్చింది. అయితే.. మిథున్ రెడ్డి పెట్టుకున్న బెయిల్ పిటీషన్ ను కోర్టు తిరస్కరించింది. కోర్టులో బెయిల్ వస్తుందని కోటి ఆశలతో ఉన్నజగన్ పార్టీకి ఈ పరిణామం షాకింగ్ గా మారింది. ఈ కేసులో ఎంపీ మిథున్ రెడ్డితో పాటు.. చంద్రగిరి ఎమ్మెల్యే చెవిరెడ్డి భాస్కర్ రెడ్డి (వైఎస్సార్ కాంగ్రెస్ పార్టీ) తో పాటు మరో 13 మందిపై కేసు నమోదు అయ్యింది. బెయిల్ రాకపోవటం జగన్ బ్యాచ్ కి ఇబ్బందికి కలిగించే అంశంగా చెప్పొచ్చు.