ఢిల్లీలో ఆ పేర్లు చాలా కామన్?

దేశ రాజధాని ఢిల్లీ మహానగరానికి సంబంధించిన ఆసక్తికర అంశం ఒకటి తాజాగా వెలుగులోకి వచ్చింది. మొహ్మద్.. సునీత అన్న పేర్లను ఢిల్లీలో వెతకాలని ప్రయత్నిస్తే తిప్పలు తప్పనట్లే. ఎందుకంటే.. ఢిల్లీ మహానగరిలో చాలా తరచూగా వినిపించే పేర్లలో ఈ రెండూ అగ్రస్థానంలో ఉంటాయట. ఢిల్లీ వాసుల్లో మొహ్మద్.. సునీతల పేర్లు చాలా తరచూగా వినటం జరుగుతుందన్న విషయం తాజాగా నిర్వహించే ఒక అధ్యయనంలో బయటకు వచ్చింది.

డాటా అనలిస్ట్ స్మార్టప్ ఒకటి తాజాగా నిర్వహించిన అధ్యయనంలో ఢిల్లీలో మొహ్మద్.. సునీతల పేర్లు చాలా కామన్ గా వినిపిస్తాయని.. ఓటర్ జాబితాలో ఈ పేరు చాలా తరచూ కనిపిస్తుందని తేల్చారు. డిల్లీ మహానగరిలో సదరు సంస్థ నిర్వహించిన అధ్యయనంలో ఓటర్ లిస్ట్ తో పాటు.. ఎవరికి వారు తమ పేర్లను నమోదు చేసుకోవటం ద్వారా తమ పేర్లు ఎంత కామన్ అన్న విషయాన్ని తెలుసుకునే సదుపాయం కల్పించారు.

ఇలా వచ్చిన సమాచారం ఆధారంగా ఏ పేర్లు ఢిల్లీలో ఎక్కువగా ఉంటాయన్న విషయాన్ని పరిశీలిస్తే.. మొహ్మద్ పేరు 1,1,859 మంది.. సునీత పేరు 99,273 మందికి ఉన్నట్లుగా తేలింది. ఈ నేపథ్యంలో.. ఢిల్లీకి సంబందించి మొహ్మద్.. సునీత పేర్లతో ఎవరినైనా కలవాల్సి వచ్చినా.. ఆ పేరున్న అడ్రస్ తో మీకు పని ఎదైనా ఉన్నా.. మరింత సమాచారాన్ని దగ్గర ఉంచుకోవటం మర్చిపోవద్దు సుమి.