పిల్లాడిని సూట్‌ కేసు పై పడుకోబెట్టి లాక్కెళ్తున్న మహిళ..వివరణ కోరిన NHRC!

వైరస్ ను అరికట్టడానికి అమలు చేస్తున్న లాక్ డౌన్ వల్ల వేలాది కి.మీ కాలి నడకనే సాగిపోతున్న వలస కార్మికుల వ్యథల గురించి ఎంత వర్ణించినా తక్కువే. తాజాగా వలస కార్మికుల్లో ఓ మహిళ చిన్నారిని సూట్ కేసుపై పడుకోబెట్టి లాక్కెళ్లుకుతున్న ఫొటో సోషల్ మీడియా లో విపరీతంగా వైరల్ అయ్యింది. దీనితో ..ఆ ఫోటో పై జాతీయ మానవ హక్కుల సంఘం పంజాబ్ - ఉత్తరప్రదేశ్ రాష్ట్రాలకు నోటీసులు పంపింది.

హక్కుల ప్యానెల్ శుక్రవారం ప్రస్తుత పరిస్థితిపై స్టేట్ ‌మెంట్ విడుదల చేసింది. లాక్‌ డౌన్ సమయంలో తలెత్తిన సమస్య ఏదైనా కేంద్ర - రాష్ట్ర ప్రభుత్వాలు సరిదిద్దేందుకు సిద్ధంగా ఉన్నాయి. ఆ చిన్నారి కష్టం - ఆ కుటుంబం పడుతున్న బాధ అందరికీ కనిపిస్తుంది కాని స్థానిక ప్రభుత్వానికి మాత్రం కాదు అని NHRC చెప్పుకొచ్చింది. స్థానిక ప్రభుత్వాలు వెంటనే ఆ కుటుంబానికి సాయం చేయాలి. ఈ ఘటన మానవ హక్కుల ఉల్లంఘన కిందకే వస్తుందని ఎన్‌ హెచ్ ఆర్సీ తెలిపింది.

దీనిపై పంజాబ్ - ఉత్తరప్రదేశ్ చీఫ్ సెక్రటరీలు - ఆగ్రా జిల్లా మెజిస్ట్రేట్ ను 4వారాల్లో రిపోర్టు అందజేయాలని ఆదేశించాం అని, ఈ పరిస్థితికి కారణమైన అధికారులపై వెంటనే చర్యలు తీసుకోవాలి. ఆ కుటుంబానికి సహకారం తో పాటు కొంత సాయం కూడా అందించాలి అని కమిషన్ తెలిపింది. లాక్‌ డౌన్ సమయంలో చాలా మంది ప్రజలు ఇబ్బంది పడుతున్నట్లు కమిషన్ దృష్టికి వచ్చింది అని, దీనిపై కేంద్రం - రాష్ట్రం పరిస్థితిపై సమీక్ష నిర్వహిస్తూనే ఉందని కమిషన్ తెలిపింది.