అమెరికా బాంబు క‌థ మామూలుగా లేదు

అగ్ర‌రాజ్యం అమెరికా దూకుడు పెంచింది. మొన్న‌టికి మొన్న సిరియాపై తోమ‌హాక్ మిస్సైల్స్‌ తో దాడి చేసిన అగ్ర‌రాజ్యం.. ఇప్పుడు ఆఫ్ఘ‌నిస్థాన్‌ లోని ఐసిస్ స్థావ‌రాల‌పై విరుచుకుప‌డింది. దీనికోసం ఏకంగా మ‌ద‌ర్ ఆఫ్ ఆల్ బాంబ్స్‌ గా పిలిచే జీబీయూ-43నే వాడ‌టం గ‌మ‌నార్హం. అమెరికా ఈ బాంబును వాడ‌టం ఇదే తొలిసారి. నిజానికి ఈ బాంబును మాసివ్ ఆర్డినెన్స్ ఎయిర్ బ్లాస్ట్ బాంబ్ (MOAB) అంటారు. అయితే దాని షార్ట్ ఫార్మ్‌ ను బ‌ట్టి ముద్దుగా మ‌ద‌ర్ ఆఫ్ ఆల్ బాంబ్స్ అని పిలుస్తారు. ఇది అతి పెద్ద నాన్ న్యూక్లియ‌ర్ బాంబ్ అని పెంట‌గాన్ వెల్ల‌డించింది.

ఈ బాంబు విశేషాలు ఇవి...

- దీని బ‌రువు సుమారు 9800 కిలోలు. జీపీఎస్ గైడ్ చేస్తుంది. 20 అడుగుల పొడ‌వు ఉంటుంది. ఇది భూమిలోకి 200 అడుగుల‌లోతుకు - కాంక్రీట్ అయితే 60 అడుగుల లోనికి దూసుకెళ్లిన త‌ర్వాత పేలుతుంది.

- 2003లో ఇరాక్‌ పై అమెరికా దాడి చేస్తున్న స‌మ‌యంలో తొలిసారి ఈ బాంబును ప‌రీక్షించారు.

- ఈ బాంబును ప‌రీక్షించిన‌పుడు ఏర్ప‌డిన మ‌ష్రూమ్ మేఘాన్ని 32 కిలోమీట‌ర్ల దూరం నుంచి కూడా చూడ‌గ‌లిగామ‌ని యూఎస్ ఎయిర్‌ ఫోర్స్ తెలిపింది.

- ఆఫ్ఘ‌నిస్థాన్‌ లోని ఐసిస్ కేవ్స్ అండ్ బంక‌ర్స్ హౌజింగ్ ఫైట‌ర్స్‌ పై తాజాగా అమెరికా ఈ బాంబును జార విడిచింది.

- లాక్‌ హీద్ ఎంసీ-130 ట్రాన్స్‌ పోర్ట్ ప్లేన్ నుంచి ఈ బాంబును జార‌విడిచారు.

- ఈ బాంబు రూపుదిద్దుకుంటున్న క్ర‌మంలో దీనిని అత్యంత శ‌క్తివంత‌మైన నాన్ న్యూక్లియ‌ర్ బాంబుగా అభివ‌ర్ణించారు.

- అయితే ఇదే అతి పెద్ద బాంబు మాత్రం కాదు. 2007లో ర‌ష్యా ఏవియేష‌న్ థెర్మోబారిక్ బాంబ్ ఆఫ్ ఇన్‌ క్రీజ్‌ డ్ ప‌వ‌ర్ పేరుతో ఓ బాంబును ప‌రీక్షించింది. దీనికి ఫాద‌ర్ ఆఫ్ ఆల్ బాంబ్స్‌ గా పేరు పెట్టారు. ఇది మ‌ద‌ర్ ఆఫ్ ఆల్ బాంబ్స్ క‌న్నా నాలుగు రెట్లు శ‌క్తివంత‌మైన‌దిగా భావిస్తున్నారు.

Like Us on Facebook : https://www.facebook.com/Tupakidotcom/