న్యూ ఇయర్ వేడుకల్లో అదిరి పోయే స్టెప్పుల తో అలరించిన ఒంగోలు ఎంపీ !

న్యూ ఇయర్ సెలెబ్రేషన్స్ ని తమకి తగ్గట్టు ప్రతి ఒక్కరూ కూడా సెలెబ్రేట్ చేసుకున్నారు. చిన్న , పెద్ద అన్న తేడా లేకుండా ప్రతి ఒక్కరూ చిందేసి కొత్త సంవత్సరానికి వెల్కమ్ చెప్పారు. అయితే , ఈ 2020 న్యూ ఇయర్ వేడుకల్లో ప్రకాశం జిల్లా YCP ఎంపీ మాగుంట శ్రీనివాసులు రెడ్డి అదిరి పోయే స్టెప్పుల తో డ్యాన్స్ ఇరగదీశారు. 2020 కొత్త సంవత్సరం వేడుకల్లో పాల్గొన్న ఎంపీ మాగుంట కార్యకర్తల తో ఆడి పాడారు. అభిమానులు, స్థానిక కార్యకర్తలతో కలిసి కలిసి స్టెప్పులేసి ఉత్సాహపరిచారు. కుర్రాళ్లకు తానూ పోటీ అన్న రేంజ్‌లో డ్యాన్స్ ఇరగదీశారు. ఈ వీడియో సోషల్ మీడియాలో వైరల్‌కాగా.. ఎంపీ మాగుంట డ్యాన్స్ అదరహో అంటూ అభిమానులు, వైఎస్సార్‌సీపీ కార్యకర్తలు, నెటిజన్లు షేర్లు చేస్తున్నారు.

న్యూ ఇయర్ కావడంతో ఒంగోలులో ఎంపీ ఆధ్వర్యంలో వేడుకలు ఏర్పాటు చేశారు. మాగుంట అభిమానులు, వైఎస్సార్‌సీపీ కార్యకర్తలు భారీగా తరలివచ్చారు. ఎంపీ కూడా వేదికపైకి రాగా.. పార్టీ కార్యకర్తలు డ్యాన్స్‌లు చేస్తూ ఉత్సాహంగా గడిపారు. ఇదే సమయంలో ఎంపీని కూడా డ్యాన్స్ చేయాలంటూ కార్యకర్తలు ఒత్తిడి చేశారు. దీంతో ఆయన కూడా సై అన్నారు.. అందరూ కలిసి సరదాగా మహేష్ బాబు హీరో గా నటించిన భరత్ అనే నేను సినిమా లో వచ్చాడయ్యో సామి అనే పాటకు డ్యాన్స్ లతో ఇరగదీశారు. వైట్ అండ్ వైట్ లో వచ్చిన మాగుంట తలకు తలపాగా కట్టుకుని డ్యాన్స్ చేశారు. తరువాత తలపాగా తీసి గాల్లో తిప్పుతూ స్టెప్పులేశారు. దీంతో కార్యకర్తలు మరింతగా రెచ్చిపోయారు.