సీఎం జగన్ కు ఊహించని ట్విస్ట్ ఇచ్చిన ఎంపీ రఘురామ

ఏపీ సీఎం జగన్ కు నర్సాపురం ఎంపీ రఘురామకృష్ణం రాజు ధన్యవాదాలు చెప్పడం రాజకీయంగా సంచలనమైంది. ఎప్పుడూ జగన్ ను తీవ్రంగా విమర్శించే రఘురామ ఆశ్చర్యకరంగా పొగడడం అందరినీ ఆశ్చర్యపరిచింది.

తాజాగా ఏపీలో ఆలయాలపై దాడులు.. విగ్రహాల ధ్వంసాలు పెరిగిపోయాయి. ఈ క్రమంలోనే విజయనగరం రామతీర్థం రాముడి విగ్రహ ధ్వంసం కేసు విచారణను సీఐడీకి అప్పగించారు. సీఐడీ చీఫ్ సునీల్ కుమార్ క్రైస్తవ మతాన్ని అనుసరించే వ్యక్తి అని ఆయనతో విచారణ జరగదని జగన్ సర్కార్ తీరుపై ఎంపీ రఘురామ మండిపడ్డారు. ఈ కేసు ఆయనకు అప్పగించడం వల్ల విచారణ సరిగా జరగదేమో అని ప్రజలు అనుమానం వ్యక్తం చేస్తున్నారని సంచలన వ్యాఖ్యలు చేశారు.

అయితే కేసు తీవ్రత దృష్ట్యా సీఐడీ నుంచి జగన్ సర్కార్ సిట్ ను ఏర్పాటు చేసింది. ఈ నిర్ణయాన్ని రఘురామ స్వాగతించారు. దీంతో ఈ నిర్ణయాన్ని రఘురామ స్వాగతించారు. సీఎం జగన్ కు ధన్యవాదాలు తెలిపారు.

సీనియర్ పోలీస్ అధికారి అశోక్‌కుమార్ నేతృత్వంలో ప్రత్యేకంగా 16మందితో సిట్ ఏర్పాటు చేసి వారికి అప్పగించడంపై ఆనందం వ్యక్తం చేశారు. ముఖ్యమంత్రి వైఎస్ జగన్‌కు ధన్యవాదాలు తెలిపారు. ఈ మేరకు ట్వీట్ చేశారు. ఆలయాలు, విగ్రహాల ధ్వంసం కేసుల దర్యాప్తును సీఐడీ నుంచి ట్రాన్స్‌ఫర్ చేయడంపై రఘురామ స్వాగతించారు.