రీల్ వైఫ్ ని ధోనీ ‘రియల్’ వైఫ్ తో కలిసిన వేళ

రీల్ లైఫ్ లో తనకు జత కట్టిన భామల్ని.. హీరోలు కలవటం మామూలే. కానీ.. ఒక బయోపిక్ లో తన భార్యగా నటిస్తున్న వ్యక్తిని..రియల్ వైఫ్ తో కలిస్తే..? ఆ ముగ్గురు ఒక చోటకు చేరితే.. ఆ కాంబినేషన్ ఫోటో సోషల్ మీడియాలోకి వస్తే.. ఇలాంటిదే తాజాగా టీమిండియా క్రికెటర్.. మిస్టర్ కూల్ మహేంద్రసింగ్ ధోనీ విషయంలో జరిగింది.

ఆయన జీవిత కథను బాలీవుడ్ తెరకెక్కిస్తున్న సంగతి తెలిసిందే. ఈ చిత్రంలో ధోనీ భార్య పాత్రను కియారా నటిస్తోంది. ఈ రీల్ వైఫ్ ని రియల్ వైఫ్ సాక్షితో కలిసి.. ధోనీ ఇటీవల ఒక పార్టీలో కలిశారు. ముంబయిలో ప్రముఖ పారిశ్రామికవేత్త ముఖేశ్ అంబానీ ఇంట్లో జరిగిన ఒక పార్టీలో ఈ సన్నివేశం చోటు చేసుకుంది. రియల్ వైఫ్ తో కలిసి..రీల్ వైఫ్ తో కలిసి ఒక ఫోటో దిగారు. ఈ ఫోటోలో మరో విశేషం ఉంది. ధోనీ రియల్ కుమార్తెను.. రీల్ వైఫ్ అప్యాయంగా ఎత్తుకుంటే.. రియల్ భార్యభర్తలు ఇద్దరూ కూల్ గా కలిసి ఫోటో దిగారు.

ఈ ఫోటోను ధోనీ ఫేస్ బుక్ లో స్వయంగా పోస్ట్ చేశాడు. ఈ ఫోటోకు సోషల్ మీడియాలో విపరీతమైన ఆదరణ లభిస్తోంది. ఫోటోను పోస్ట్ చేసిన మూడు గంటల వ్యవధిలో 60వేల లైకులు వచ్చేస్తే.. తాజాగా ఆ లైకుల సంఖ్య 1.2లక్షలు దాటిపోయింది. ఏమైనా రేర్ కాంబినేషన్ ఫోటోకు సోషల్ మీడియాలో ఆ మాత్రం ఆదరణ ఉండదా?