ధోని రిటైర్ మెంట్.. ఏం చేశాడో చూడండి..

భారత మాజీ కెప్టెన్ మహేంద్ర సింగ్ ధోని పని అయిపోయిందనుకున్న వారికి ఆస్ట్రేలియా సిరీస్ లో విశేషంగా రాణించి గట్టి బుద్దిచెప్పాడు. వరుసగా రెండు డూ అండ్ డై మ్యాచ్ లో వరుస హాఫ్ సెంచరీలతో కదం తొక్కాడు. చివరి వరకూ క్రీజులో ఉండి మరోసారి తాను బెస్ట్ ఫినిషర్ అని నిరూపించాడు. మహీ ఈ జోరు, ఓపిక చూసి మునిపటి ధోని గుర్తుకు వచ్చాడు. విమర్శకుల ప్రశంసలు అందుకున్నారు. ఇక తన రిటైర్ మెంట్ పై వస్తున్న ఊహాగానాలకు కూడా ఒకే ఒక్క సన్నివేశంతో తెరదించాడు.

తాజాగా ఆస్ట్రేలియాతో జరిగిన మూడో ఫైనల్ వన్డేలో చివరి వరకు క్రీజులో నిలిచి 80కు పైగా పరుగులు చేసి భారత్ కు అద్భుత విజయాన్ని సాధించి పెట్టాడు మహేంద్రసింగ్ ధోని. విన్నింగ్ షో కొట్టి భారత్ గెలిచాక పెవిలియన్ కు వస్తూ ఆసక్తికర వ్యాఖ్యలు చేశారు. గతంలో ఇంగ్లాండ్ పర్యటనలో మ్యాచ్ తర్వాత కూడా బయటకు వస్తూ ధోని బంతిని తీసుకొని వచ్చాడు. దాంతో రిటైర్ మెంట్ అవుతున్నారని.. ఆఖరు గుర్తుగా బాల్ తీసుకొని వచ్చాడని మీడియాలో వార్తలు గుప్పుమన్నాయి. అప్పుడు ధోని ఫాంలో లేకపోవడంతో ఈ ప్రచారం విస్తృతంగా సాగింది.

అయితే ఆస్ట్రేలియాతో మ్యాచ్ తర్వాత కూడా పెవిలియన్ వస్తూ ధోని బాల్ తీసుకొచ్చాడు. దీంతో మళ్లీ రిటైర్ మెంట్ ప్రకటిస్తాడా అన్న అనుమానాలు కలిగాయి. అయితే ధోని వస్తూ వస్తూ బ్యాటింగ్ కోచ్ సంజయ్ బంగర్ కు బాల్ ఇస్తూ సరదాగా వ్యాఖ్యానించారు. ఈ మాటలు కెమెరాల్లో రికార్డై వైరల్ గా మారాయి. ‘ఈ బంతి తీసుకోండి.. లేకుంటే నేను రిటైర్ అవుతున్నానని మళ్లీ అనుకుంటారు’ అంటూ సరదాగా వ్యాఖ్యానించారు. ఈ మాటలు కెమెరాల్లో రికార్డు అయ్యాయి.