ఎన్టీఆర్ కు నారా లోకేష్ బర్త్ డే గ్రీటింగ్స్

ఇవాళ జూనియ‌ర్ ఎన్టీఆర్ బ‌ర్త్ డే. ఈ స్పెష‌ల్ డే సంద‌ర్భంగా సినీ, రాజ‌కీయ ప్ర‌ముఖులు శుభాకాంక్ష‌లు చెబుతున్నారు. టీడీపీ జాతీయ ప్ర‌ధాన కార్య‌ద‌ర్శి, చంద్ర‌బాబు త‌న‌యుడు నారా లోకేష్ కూడా పుట్టిన రోజు శుభాకాంక్ష‌లు తెలిపారు. ఈ మేర‌కు సోష‌ల్ మీడియాలో పోస్టు చేశారు లోకేష్‌.

‘‘తారక్ కి హృద‌య‌పూర్వ‌క జ‌న్మ‌దిన శుభాకాంక్ష‌లు. నువ్వు ఇలాంటి సంతోష‌క‌ర‌మైన పుట్టిన రోజు వేడుక‌లు మ‌రెన్నో జ‌రుపుకోవాల‌ని మ‌న‌స్ఫూర్తిగా కోరుకుంటున్నాను.’’ అని ట్వీట్ చేశారు లోకేష్.

ఇక‌, ఈ రోజున తార‌క్ ఫ్యాన్స్ సోష‌ల్ మీడియాలో సంబ‌రాలు చేసుకుంటున్నారు. ఇంకా చెప్పాలంటే.. ఒక రోజు ముందుగానే సెల‌బ్రేష‌న్స్ స్టార్ట్ చేశారు. ట్విట‌ర్ లో ‘ఎన్టీఆర్‌’ హ్యాష్ ట్యాగ్ ను ట్రెండింగ్ లో ఉంచారు. కొవిడ్ నేపథ్యంలో వేడుకలకు దూరంగా ఉండాల‌ని చెప్ప‌డంతో.. సోష‌ల్ మీడియా వేదిక‌గా త‌మ ప్రేమ‌ను వ్య‌క్తం చేస్తున్నారు.

కాగా.. కొవిడ్ బారిన పడిన తారక్ ఇంట్లోనే చికిత్స తీసుకుంటున్న సంగ‌తి తెలిసిందే. ఈ విష‌యంలో ఫ్యాన్స్ కాస్త నిరుత్సాహంలో ఉన్న‌ప్ప‌టికీ.. బ‌ర్త్ డే వేళ సోష‌ల్ మీడియా వేదిక‌గా సంబ‌రాలు జ‌రుపుకుంటున్నారు. జూనియ‌ర్ కోలుకోవాల‌ని పూజ‌లు కూడా చేస్తున్నారు.