Begin typing your search above and press return to search.
`మోదీ` బ‌యోపిక్ కు రంగం సిద్ధం!
By: Tupaki Desk | 5 Jun 2018 11:23 AM GMT
ప్ర‌స్తుతం టాలీవుడ్ , బాలీవుడ్ ల‌లో బ‌యోపిక్ ల ట్రెండ్ న‌డుస్తోంది. కొద్ది రోజుల క్రితం విడుద‌లైన `మహాన‌టి` బంప‌ర్ హిట్ కావ‌డంతో రాబోయే బ‌యోపిక్ ల‌పై అంచనాలు పెరిగాయి. తాజాగా, మ‌మ్ముట్టి లీడ్ రోల్ లో దివంగ‌త మ‌హానేత వైఎస్ రాజ‌శేఖ‌ర్ రెడ్డి బ‌యోపిక్ `యాత్ర` షూటింగ్ జ‌రుగుతోంది. బాల‌కృష్ణ లీడ్ రోల్ లో క్రిష్ ...`ఎన్టీఆర్`ను తెర‌కెక్కించ‌బోతున్నాడు. మ‌రోవైపు, అల‌నాటి జానప‌ద హీరో క‌త్తి కాంతారావుపై కూడా ఓ బ‌యోపిక్ రానుంది. త‌మిళ‌నాడు దివంగ‌త ముఖ్య‌మంత్రి జ‌య‌ల‌లిత బ‌యోపిక్ పై కూడా పుకార్లు వ‌చ్చాయి. బాలీవుడ్ హీరో సంజ‌య్ ద‌త్ బ‌యోపిక్ `సంజు` విడుద‌ల‌కు సిద్ధ‌మ‌వుతోంది. ఈ నేప‌థ్యంలో, తాజాగా భార‌త ప్ర‌ధాని న‌రేంద్ర మోదీపై కూడా ఓ బ‌యోపిక్ తెర‌కెక్క‌నుంద‌ని తెలుస్తోంది. మోదీ పాత్ర‌ను బాలీవుడ్ నటుడు ప‌రేష్ రావెల్ పోషించ‌నున్నారు.
వాస్త‌వానికి మోదీపై బ‌యోపిక్ ను గ‌త ఏడాది ప్ర‌క‌టించారు. ప‌రేష్ రావెల్ నిర్మాత‌గా వ్య‌వ‌హ‌రిస్తూ లీడ్ రోల్ పోషిస్తున్న ఈ బ‌యోపిక్ గురించి కొంత‌కాలంగా ఎటువంటి బ‌జ్ లేదు. దీంతో, అది అట‌కెక్కింని అనుకున్నారు. అయితే, తాజాగా ప‌రేష్ రావెల్ దీనిపై క్లారిటీ ఇచ్చారు. ఆగ‌స్టు 15నాటికి స్క్రిప్టు రెడీ అవుతుంద‌ని, సెప్టెంబ‌రునాటికి షూటింగ్ ప్రారంభ‌మ‌వుతుంద‌ని చెప్పారు. మోదీ పాత్ర‌ను చేయ‌డం ఛాలెంజ్ అని, అయినా ప్ర‌య‌త్నిస్తాన‌ని బీజేపీ మాజీ ఎంపీ అయిన ప‌రేష్ రావెల్ అన్నారు. బ‌యోపిక్ ల‌లో న‌టించ‌డం ప‌రేష్ కు కొత్తేమీ కాదు. సంజులో సంజ‌య్ ద‌త్ తండ్రి సునీల్ ద‌త్ పాత్ర‌ను ప‌రేష్ పోషించారు. 1994లో స‌ర్దార్ వ‌ల్ల‌భాయ్ ప‌టేల్ బ‌యోపిక్ `స‌ర్దార్ `లో లీడ్ రోల్ ప్లే చేశారు. అయితే, ప్ర‌స్తుతం దేశ‌వ్యాప్తంగా బీజేపీ వ్య‌తిరేక ప‌వ‌నాలు వీస్తుండ‌డం, తాజా ఎన్నిక‌ల్లో బీజేపీకి ఎదురుదెబ్బ తగ‌ల‌డం....2019 ఎన్నిక‌లు స‌మీపిస్తుండ‌డం వంటి ప‌రిణామాల నేప‌థ్యంలో ఈ బ‌యోపిక్ ను ప్రేక్ష‌కులను ఎంత‌వ‌ర‌కు ఆక‌ట్టుకుంటుందో వేచి చూడాలి.
