మోడీ చెబితే అలా గుర్తుండిపోతుందా?

స‌మ‌కాలీన రాజ‌కీయాల్లో ప్ర‌ధాన‌మంత్రిగా ప‌ద‌విని చేప‌ట్టిన వారెవ‌రూ చూపించ‌లేనంత ప్ర‌భావాన్ని ప్ర‌ధాని న‌రేంద్ర మోడీ జ‌నాల మీద చూపిస్తున్నార‌న‌టంలో సందేహం లేదు. తాజాగా ఒక ఉదంతం.. ఆయ‌న మాట‌ల ప్ర‌భావం జ‌నాల మీద ఎంత‌లా ఉంటుంద‌న్న విష‌యం తాజా ఉదంతంతో బ‌య‌ట‌ప‌డింది. దాదాపు ఏడాది కింద‌ట ముచ్చ‌ట ఇది. అప్ప‌ట్లో త‌న ప్ర‌సంగంలో మోడీ మాట్లాడుతూ.. జ‌వాన్ల గురించి చెబుతూ.. విదేశాల్లో జ‌వాన్ల‌కు ఇచ్చే గౌర‌వ మ‌ర్యాద‌ల గురించి ప్ర‌త్యేకంగా ప్ర‌స్తావించారు.

విదేశాల్లోని రైల్వేస్టేష‌న్లో.. ఎయిర్ పోర్ట్ ల‌లో జ‌వాన్లు ఎక్క‌డ క‌నిపించినా.. ప్ర‌జ‌లు లేచి నిల‌బ‌డి వారికి గౌర‌వంగా చ‌ప్ప‌ట్లు కొడుతూ అభినందిస్తార‌ని.. మ‌నం కూడా అలా గౌర‌విస్తే బాగుంటుంది క‌దా అంటూ ఆయ‌న అప్ప‌ట్లో చెప్పారు. ఆయ‌న చెప్పిన మాట‌ల్ని తాజాగా ఆచ‌రించి చూపించి సైనికుల్ని సంతోషంతో ఉక్కిరిబిక్కిరి చేశారు ఢిల్లీ విమానాశ్ర‌య సిబ్బంది.

మ‌నం చేసే చిన్న చిన్న పనులు జ‌వాన్ల‌లో ఆత్మ‌విశ్వాసాన్ని మ‌రింత పెంచుతాయ‌ని.. ఇవి మ‌న జీవితాల్లోనూ ఎంతో మార్పులు తెస్తాయ‌ని అప్ప‌ట్లో మోడీ చెప్పారు. ఆయ‌న మాట‌ల ప్ర‌భావంతో ఏడాది త‌ర్వాత‌.. తాజాగా ఢిల్లీ ఎయిర్ పోర్ట్ కు జ‌వాన్లు వ‌చ్చారు. వారిని చూసిన వెంట‌నే.. విమానాశ్ర‌య సిబ్బంది గౌర‌వంగా నిలుచొని చ‌ప్ప‌ట్లు కొడుతూ వారికి స్వాగ‌తం ప‌లికారు. అదే స‌మ‌యంలో అక్క‌డే ఉన్న గౌర‌వ్ ఆర్యా అనే ఆర్మీ మేజ‌ర్ ఈ ఉదంతాన్ని వీడియో తీసి ట్విట్ట‌ర్‌ లో షేర్ చేశారు. ఇప్పుడీ వీడియో వైర‌ల్ గా మారి అంద‌రి దృష్టిని విప‌రీతంగా ఆక‌ర్షిస్తోంది.

Like Us on Facebook : https://www.facebook.com/Tupakidotcom/